ವೃತ್ತಿ ಜೀವನದ 25 ವರ್ಷ ಪೂರ್ಣಗೊಳಿಸಿದ ರಘು ದೀಕ್ಷಿತ್!

ಅನೇಕ ಸ್ಮರಣೀಯ ಹಾಗೂ ಜನಪ್ರಿಯ ಹಾಡುಗಳನ್ನು ನೀಡಿದ ಗಾಯಕ ರಘು ದೀಕ್ಷಿತ್ ಇಂದು ನಡೆಯಲಿರುವ ಸಂಗೀತ ಕಾರ್ಯಕ್ರಮದ ಮೂಲಕ ವೃತ್ತಿಜೀವನದ 25 ವರ್ಷಗಳನ್ನು ಆಚರಿಸಿಕೊಳ್ಳುತ್ತಿದ್ದಾರೆ.

‘ನನ್ನ ಪಯಣ ನಿಜವಾಗಿ ಈಗ ಆರಂಭವಾಗುತ್ತಿದೆ ಅಂದುಕೊಂಡಿದ್ದೇನೆ. ಇದು ಏಳು-ಬೀಳುಗಳಿಂದ ಕೂಡಿದ ಪಯಣವಾಗಿತ್ತು. ನನ್ನ ಜೀವನದಲ್ಲಿ ಅಸಂಖ್ಯಾತ ಅಪರಿಚಿತರು ಬಂದು, ನಾನು ಸಾಗಬೇಕಾದ ದಿಕ್ಕಿನತ್ತ ನನ್ನನ್ನು ಮುನ್ನಡೆಸಿದ್ದರಿಂದ, ನಾನು ನನ್ನನ್ನು ‘ವಿಧಿಯ ಮಗು’  ಎಂದು ಭಾವಿಸುತ್ತೇನೆ. ಆದರೆ ಈಗ ನನ್ನ ದಿಕ್ಕು ಯಾವುದೆಂದು ನನಗೆ ತಿಳಿದಿದೆ’ ಎಂದು ಅವರು ಹೇಳಿದ್ದಾರೆ.

ಸಂತ-ಕವಿ ಶಿಶುನಾಳ ಶರೀಫರ ತತ್ವಪದಕ್ಕೆ ಹೊಸ ಧ್ವನಿ ನೀಡಿದ ‘ಗುಡುಗುಡಿಯ ಸೇದಿ ನೋಡು’ ಹಾಡಿನ ಲಯಬದ್ಧ ತಾಳಗಳಿಂದ ಹಿಡಿದು, 2010ರ ದಶಕದ   ‘ಮುಂಜಾನೆ ಮಂಜಲ್ಲಿ’ವರೆಗೆ, ರಘು ದೀಕ್ಷಿತ್ ಅನೇಕ   ಜನಪ್ರಿಯ ಹಾಡುಗಳನ್ನು ನೀಡಿದ್ದಾರೆ.

—