100 ಕೋಟಿ ರೂ. ಬಾಚಿದ ‘ಜೈಲರ್ 2’

ಸೂಪರ್ ಸ್ಟಾರ್ ರಜನಿಕಾಂತ್ ಅವರ ಬಹು ನಿರೀಕ್ಷಿತ ‘ಜೈಲರ್ 2’ ಚಿತ್ರ ಬಿಡುಗಡೆಯಾದ ದಿನವೇ ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ 100 ಕೋಟಿ ರೂ. ಬಾಚಿದೆ.

ಸನ್ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ಕಲಾನಿಧಿ ಮಾರನ್ ನಿರ್ಮಿಸಿ , ರಜನಿಕಾಂತ್ ಅವರ 2023ರ ಚಿತ್ರ ‘ಜೈಲರ್’ನ ಈ ಮುಂದುವರಿದ ಚಿತ್ರ , ‘ಜೈಲರ್ 2’   ಗುರುವಾರ ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ‘ಸ್ಯಾಕ್ನಿಲ್ಕ್’ ವೆಬ್‌ಸೈಟ್ ವರದಿ ಮಾಡಿರುವಂತೆ ಈ ಚಿತ್ರ  ಬಿಡುಗಡೆಯಾದ ಮೊದಲ ದಿನ 125.25 ಕೋಟಿ ರೂ.ಗಳನ್ನು ಗಳಿಸಿದೆ. ಇದರಲ್ಲಿ ದೇಶೀಯ ಬಾಕ್ಸ್ ಆಫೀಸ್‌ನಿಂದ 70.25 ಕೋಟಿ ರೂ. ಮತ್ತು ವಿದೇಶಿ ಮಾರುಕಟ್ಟೆಯಿಂದ 55 ಕೋಟಿ ರೂ. ಗಳಿಕೆ ಸೇರಿದೆ.

‘ಜೈಲರ್ 2’ ಚಿತ್ರದಲ್ಲಿ ಮೋಹನ್‌ಲಾಲ್   ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ವಿದ್ಯಾ ಬಾಲನ್ ಅವರು ‘ಕಾಂತಾ’ ಎಂಬ ಪಾತ್ರದಲ್ಲಿ ನಟಿಸಿದ್ದಾರೆ.  ಶಿವರಾಜ್‌ಕುಮಾರ್, ಜಾಕಿ ಶ್ರಾಫ್, ಕಿಶೋರ್, ಮಕರಂದ ದೇಶಪಾಂಡೆ ಮತ್ತು ತಮನ್ನಾ ಭಾಟಿಯಾ ಮುಂತಾದವರು ವಿಶೇಷ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

‘ಜೈಲರ್’ ಸರಣಿಯ ಮೊದಲ ಭಾಗದಲ್ಲಿ ರಜನಿಕಾಂತ್ ಅವರು ನಿವೃತ್ತ ಜೈಲರ್ ‘ಮುತುವೇಲ್ ಪಾಂಡಿಯನ್’ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.  ಚಿತ್ರದಲ್ಲಿ ರಮ್ಯಾ ಕೃಷ್ಣನ್, ವಸಂತ್ ರವಿ, ಯೋಗಿ ಬಾಬು, ಮಿರ್ನಾ ಮೆನನ್, ಸುನಿಲ್,  ಖಳನಾಯಕನ ಪಾತ್ರದಲ್ಲಿ ವಿನಾಯಕನ್  ಇದ್ದರು. ಈ ಸಿನಿಮಾ ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ 600 ಕೋಟಿ ರೂ.ಗಿಂತಲೂ ಹೆಚ್ಚು ಗಳಿಕೆ ಕಂಡಿತ್ತು.

—–