ರಜನೀಕಾಂತ್ ಸಿನಿಮಾಗೆ ನಿರ್ದೇಶಕರ ಗೊಂದಲ

ಸೂಪರ್‌ಸ್ಟಾರ್ ರಜನೀಕಾಂತ್ ಅವರ ಮುಂಬರುವ 173ನೇ ಸಿನಿಮಾಗೆ ನಿರ್ದೇಶಕರ ಆಯ್ಕೆ ಬಗ್ಗೆ ಗೊಂದಲ ಉಂಟಾಗಿದೆ.

ಸದ್ಯ ರಜನೀಕಾಂತ್ ಅವರು ಜೈಲರ್ 2 ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ನಂತರ ಕಮಲ್ ಹಾಸನ್ ಜೊತೆ ಸಿನಿಮಾ ಮಾಡುವ ಯೋಜನೆ ಇದೆ. ಆದರೆ ಈ ಸಿನಿಮಾದ ನಿರ್ದೇಶನದ ವಿಚಾರದಲ್ಲಿ ಗೊಂದಲ ಉಂಟಾಗಿ ತೊಂದರೆ ಆಗಿದೆ.

ಈ ಸಿನಿಮಾಗೆ ಮೊದಲಿಗೆ ಸುಂದರ್ ಸಿ ಅವರನ್ನು ಆಯ್ಕೆ ಮಾಡಲಾಗಿತ್ತು. ಆದರೆ ಅವರು ಸಿನಿಮಾದಿಂದ ಹೊರಬಂದರು. ನಂತರ ಸಿಬಿಲ್ ಚಕ್ರವರ್ತಿ ಅವರನ್ನು ನಿರ್ದೇಶಕರಾಗಿ ಘೋಷಿಸಲಾಗಿತ್ತು. ಆದರೆ ಪ್ರೀ-ಪ್ರೊಡಕ್ಷನ್ ಆರಂಭವಾದರೂ, ತಂಡದೊಂದಿಗೆ ಭಿನ್ನಾಭಿಪ್ರಾಯದ ಕಾರಣ ಅವರು ಕೂಡ ಹಿಂದೆ ಸರಿದರು.

ನಂತರ ಅಶ್ವತ್ ಮಾರಿಮುತ್ತು ಅವರನ್ನು ಆಯ್ಕೆ ಮಾಡಲಾಯಿತು. ಆದರೆ ಅವರು ಬೇರೆ ಸಿನಿಮಾಕ್ಕೆ ಒಪ್ಪಿಕೊಂಡಿದ್ದರಿಂದ, ಈ ಸಿನಿಮಾ ತಡವಾಗುವ ಸಾಧ್ಯತೆ ಎದುರಾದ ಹಿನ್ನೆಲೆಯಲ್ಲಿ ಅವರೂ ಕೂಡ ಹೊರ ನಡೆದಿದ್ದಾರೆ ಎಂಬ ಮಾಹಿತಿ ಕೇಳಿಬರುತ್ತಿದೆ.

ಒಂದೇ ಸಿನಿಮಾದಿಂದ ಮೂವರು ನಿರ್ದೇಶಕರು ಹೊರ ನಡೆದಿರುವುದು ಇದೀಗ ಚರ್ಚೆಗೆ ಕಾರಣವಾಗಿದೆ. ಈಗ ಸಿನಿಮಾಗೆ ಹೊಸ ನಿರ್ದೇಶಕ ಯಾರು ಎಂಬುದರ ಬಗ್ಗೆ ಕುತೂಹಲ ಮೂಡಿದೆ.