ಸೂಪರ್ ಸ್ಟಾರ್ ರಜನಿಕಾಂತ್‌ ಜೊತೆ ‘ಕೂಲಿ’ ಅಖಾಡದಲ್ಲಿ ಕನ್ನಡದ ರಿಯಲ್ ಸ್ಟಾರ್ ಉಪೇಂದ್ರ ಪ್ರತ್ಯಕ್ಷರಾಗಿದ್ದಾರೆ.
ನಿರ್ದೇಶಕ ಲೋಕೇಶ್‌ ಕನಗರಾಜ್‌ ಜೊತೆ ಚರ್ಚೆಯಲ್ಲಿ ಉಪ್ಪಿ ಭಾಗಿಯಾಗಿರುವ ಫೋಟೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ಸೂಪರ್ ಸ್ಟಾರ್ ರಜನಿಕಾಂತ್‌ ಜೊತೆ ಉಪೇಂದ್ರ ಮೊದಲ ಬಾರಿ ನಟಿಸುತ್ತಿದ್ದಾರೆ. ಉಪ್ಪಿ ಕೂಲಿ ಸಿನಿಮಾದಲ್ಲಿ ಕಾಲೀಶ ಎಂಬ ಪಾತ್ರದಲ್ಲಿ ಅಭಿನಯಿಸುತ್ತಿದ್ದು, ರಗಡ್‌ ಗೆಟಪ್‌ ನಲ್ಲಿ ಬುದ್ದಿವಂತ ಕಾಣಿಸಿಕೊಂಡಿರುವ ಫಸ್ಟ್‌ ಲುಕ್‌ ಈಗಾಗಲೇ ಚಿತ್ರತಂಡ ರಿಲೀಸ್‌ ಮಾಡಿದೆ.
ಸೂಪರ್ ಸ್ಟಾರ್ ರಜನಿಕಾಂತ್‌ ಜೊತೆ ಟಾಲಿವುಡ್‌ ಮನ್ಮಥ ನಾಗಾರ್ಜುನ್‌, ಬಾಲಿವುಡ್‌ ಮಿಸ್ಟರ್‌ ಫರ್ಪೆಕ್ಟ್‌ ಆಮೀರ್‌ ಖಾನ್‌, ಸತ್ಯರಾಜ್‌ ಸೇರಿದಂತೆ ಹಲವರು ನಟಿಸುತ್ತಿದ್ದಾರೆ.
2008ರಲ್ಲಿ ತೆರೆಕಂಡಿದ್ದ ‘ಸತ್ಯಂ’ ಸಿನಿಮಾ ಮೂಲಕ ಉಪೇಂದ್ರ ತಮಿಳು ಸಿನಿಮಾರಂಗ ಪ್ರವೇಶಿಸಿದ್ದರು. ವಿಶಾಲ್ ಹೀರೋ ಆಗಿ ನಟಿಸಿದ್ದ ಚಿತ್ರದಲ್ಲಿ ಉಪ್ಪಿ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದರು. ಇದೀಗ ‘ಕೂಲಿ’ ಚಿತ್ರದ ಮೂಲಕ ಉಪೇಂದ್ರ ಪುನಃ ಕಾಲಿವುಡ್‌ಗೆ ಕಂಬ್ಯಾಕ್‌ ಆಗಿದ್ದಾರೆ.
ಯುಐ ಸಿನಿಮಾ ಬಳಿಕ ರಿಯಲ್ ಸ್ಟಾರ್ ಉಪೇಂದ್ರ ತಮಿಳು ಸಿನಿಮಾರಂಗ ಪ್ರವೇಶಿಸಿದ್ದಾರೆ.
Be the first to comment