ಸರಿಗಮಪ ಸೀಜನ್-15’ಕ್ಕೆ ವೇದಿಕೆ ಸಿದ್ಧ!

ಝೀ ಕನ್ನಡ ವಾಹಿನಿಯ ಜನಪ್ರಿಯ ರಿಯಾಲಿಟಿ ಶೋ ಕಾರ್ಯಕ್ರಮ ‘ಸರಿಗಮಪ ಸೀಜನ್ – 15’ಕ್ಕೆ ವೇದಿಕೆ ಸಿದ್ಧವಾಗಿದೆ. ಇಲ್ಲಿಯವರೆಗೆ ‘ಸರಿಗಮಪ’ದ ಹದಿನಾಲ್ಕು ಸೀಜನ್‌ಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿರುವ ಝೀ ವಾಹಿನಿ ಇದೀಗ ಹದಿನೈದನೇ ಸೀಜನ್ ಅನ್ನು ಇನ್ನಷ್ಟು ವಿಭಿನ್ನವಾಗಿ ಪ್ರೇಕ್ಷಕರ ಮುಂದಿಡಲು ಸಕಲ ಸಿದ್ಧತೆಗಳನ್ನು ಮಾಡಿಕೊಂಡಿದೆ. ಇದೇ ಸೆಪ್ಟೆಂಬರ್ 29ರ ಶನಿವಾರದಿಂದ ‘ಸರಿಗಮಪ ಸೀಜ್ಹನ್ – 15’ಕ್ಕೆ ಅಧಿಕೃತ ಚಾಲನೆ ಹಲವು ವಿಶೇಷತೆಗಳ ನಡುವೆ ಝೀ ವಾಹಿನಿಯ ‘ಸರಿಗಮಪ ಸೀಜ್ಹನ್ – 15’ ಕಿರುತೆರೆ ಪ್ರೇಕ್ಷಕರ ಕಣ್ಮನ ತಣಿಸಲಿದೆ.

ತನ್ನ ವಿಭಿನ್ನ ಕಾರ್ಯಕ್ರಮಗಳ ಮೂಲಕ ಕಿರುತೆರೆ ಪ್ರೇಕ್ಷಕರನ್ನು ಸೆಳೆಯುತ್ತಿರುವ ಝೀ ಕನ್ನಡ ವಾಹಿನಿ ಇದೀಗ ಝೀ ಇದೀಗ ಮತ್ತೊಂದು ಸಂಗೀತದ ಹಬ್ಬಕ್ಕೆ ಸಜ್ಜಾಗುತ್ತಿದೆ. ಆರಂಭದಿಂದ ಇಲ್ಲಿಯವರೆಗೆ ‘ಸರಿಗಮಪ’ ರಿಯಾಲಿಟಿ ಶೋ ಕಾರ್ಯಕ್ರಮವನ್ನು ಹದಿನಾಲ್ಕು ಸೀಜ್ಹನ್‌ಗಳಲ್ಲಿ ಯಶಸ್ವಿಯಾಗಿ ಮುನ್ನೆಡಿಸಿ ದಾಖಲೆ ಬರೆದಿರುವ ವಾಹಿನಿ ಇದೀಗ ‘ಸರಿಗಮಪ ಸೀಜನ್-15’ನ್ನು ಪ್ರೇಕ್ಷಕರ ಮುಂದೆ ಮುಹೂರ್ತವನ್ನು ನಿಶ್ಚಯಿಸಿದೆ. ಇದೇ ಸೆಪ್ಟೆಂಬರ್ 29ರ ಶನಿವಾರ ‘ಸರಿಗಮಪ ಸೀಜನ್-15’ ಕಾರ್ಯಕ್ರಮಕ್ಕೆ ಚಾಲನೆ ಸಿಗಲಿದ್ದು, ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 7.30ಕ್ಕೆ ಕಾರ್ಯಕ್ರಮ ಪ್ರಸಾರವಾಗಲಿದೆ.

‘ಸರಿಗಮಪ ಸೀಜನ್-15’ ಆರಂಭಕ್ಕೂ ಮುನ್ನ ಪತ್ರಿಕಾಗೋಷ್ಠಿ ನಡೆಸಿದ ಝೀ ವಾಹಿನಿಯ ಬಿಸಿನೆಸ್ ಹೆಡ್ ರಾಘವೇಂದ್ರ ಹುಣಸೂರ್ ಮತ್ತು ತಂಡ ಕಾರ್ಯಕ್ರಮದ ವಿಶೇಷತೆ, ರೂಪುರೇಷೆಗಳ ಬಗ್ಗೆ ಮಾಹಿತಿಯನ್ನು ನೀಡಿದೆ. ಈ ಸೀಜನ್‌ನಲ್ಲಿ ನಾದಬ್ರಹ್ಮ ಹಂಸಲೇಖ ಮಹಾಗುರುಗಳ ಸ್ಥಾನವನ್ನು ಅಲಂಕರಿಸಿದರೆ, ಸಂಗೀತ ನಿರ್ದೇಶಕ ಜನ್ಯ, ಗಾಯಕರಾದ ವಿಜಯ ಪ್ರಕಾಶ್ ಅಲ್ಲದೆ ರಾಜೇಶ್ ಕೃಷ್ಣನ್ ಕೂಡ ಕಾರ್ಯಕ್ರಮದ ನಿರ್ಣಾಯಕರ ಸ್ಥಾನದಲ್ಲಿರುತ್ತಾರೆ. ಕಳೆದ ಸೀಜ್ಹನ್‌ನಲ್ಲಿ ಈ ಕಾರ್ಯಕ್ರಮದಿಂದ ದೂರ ಉಳಿದಿದ್ದ ಗಾಯಕ ರಾಜೇಶ್ ಕೃಷ್ಣನ್ ಅವರು ಈ ಬಾರಿ ತಮ್ಮ ಗುರುಗಳಾದ ಹಂಸಲೇಖ ಅವರ ಕರೆಗೆ ಓಗೊಟ್ಟು ಮತ್ತೆ ಕಾರ್ಯಕ್ರಮಕ್ಕೆ ಎಂಟ್ರಿಯಾಗುತ್ತಿದ್ದಾರೆ. ಈ ಸೀಜನ್‌ನಲ್ಲಿ ಪ್ರತಿ ಕಂಟೆಸ್ಟೆಂಟ್ ಮಾಸ್ಟರ್ ಕ್ಲಾಸ್‌ನಲ್ಲಿ ಬರಲಿದ್ದಾರೆ. ಹೊಸ ಹೊಸ ಹಾಡುಗಳಿಗೆ ಈ ಪ್ರತಿಭೆಗಳು ಧನಿಯಾಗಲಿದ್ದಾರೆ. ಎಂದಿನಂತೆ ಈ ಸಲವೂ ನಾಡಿನುದ್ದಗಲಕ್ಕೂ ಹಲವಾರು ಪ್ರತಿಭೆಗಳನ್ನು ಗುರುತಿಸಿ ಅವರಲ್ಲಿ ಉತ್ತಮರೆನಿಸಿದ 35 ಜನರನ್ನು ಆಯ್ಕೆ ಮಾಡಿ ಸರಿಗಮಪ ವೇದಿಕೆಗೆ ಕರೆತರಲಾಗುತ್ತಿದೆ.