ಗೋಲಿಸೋಡಾ ಮಾರಿ ಬಡವರಿಗೆ ಸಹಾಯ ಮಾಡುತ್ತಿರುವ ಚಿನ್ನಾರಿ ಮುತ್ತ..!

ಈ ವಾರ ಚಿನ್ನಾರಿ ಮುತ್ತ ಖ್ಯಾತಿಯ ವಿಜಯ್ ರಾಘವೇಂದ್ರ ‘ಸದಾ ನಿಮ್ಮೊಂದಿಗೆ’ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಬೀಬಿಜಾನ್ ಎಂಬುವವರು ತೆಪ್ಪ ನಡೆಸುತ್ತಾ ಜೀವನ ಸಾಗಿಸುತ್ತಿದ್ದರು. ಆದರೆ ಈಗ ವಯಸ್ಸಾದ ಕಾರಣ ತೆಪ್ಪ ನಡೆಸಲು ಆಗದೆ ಬಾಡಿಗೆ ಕೊಟ್ಟಿದ್ದಾರೆ. ಇವರಿಗೆ ಒಬ್ಬ ಸಾಕು ಮಗ ಕೂಡಾ ಇದ್ದಾನೆ. ಇವನು ಬುದ್ಧಿಮಾಂದ್ಯನಾಗಿರುವ ಕಾರಣ ಅಜ್ಜಿಗೆ ಮುಂದಿನ ದಾರಿ ತೋರದಂತಾಗಿದೆ.

ಇವರಿಗೆ ಸಹಾಯ ಮಾಡಲು ವಿಜಯ್ ರಾಘವೇಂದ್ರ ಗೋಲಿ ಸೋಡಾ ಮಾರಿ ಅದರಿಂದ ಬಂದ ಹಣವನ್ನು ಬೀಬಿಜಾನ್ ನೆರವಿಗೆ ನೀಡಲಿದ್ದಾರೆ. ಚಿನ್ನಾರಿ ಮುತ್ತ ಎಷ್ಟು ಗೋಲಿ ಸೋಡಾ ಮಾರಿದ್ದಾರೆ, ಒಟ್ಟು ಎಷ್ಟು ಹಣ ಸಂಗ್ರಹಿಸಿದ್ದಾರೆ ಎಂಬುದನ್ನು ಮುಂದಿನ ವಾರದ ಎಪಿಸೋಡ್​​​​ನಲ್ಲಿ ಕಾದು ನೋಡಿ.