ತೋತಾಪುರಿ ಬಗ್ಗೆ ಸುಮನ್ ಮಾತು

‘ತೋತಾಪುರಿ ಚಿತ್ರದಲ್ಲಿ ಹಿಂದೂ, ಮುಸ್ಲಿಂ, ಕ್ರಿಶ್ಚಿಯನ್ ಪಾತ್ರಗಳಿದ್ದರೂ ಯಾವುದೇ ವಿವಾದಾತ್ಮಕ ದೃಶ್ಯಗಳಿಲ್ಲ. ಈ ಸಮಾಜದಲ್ಲಿ ನಾವೆಲ್ಲರೂ ಹೇಗೆ ಸಹಬಾಳ್ವೆ ನಡೆಸಬಹುದು ಎಂಬುದನ್ನು ಸಿನಿಮಾ ಹೇಳುತ್ತದೆ” ಎಂದು ನಟಿ ಸುಮನ್ ರಂಗನಾಥ್ ಹೇಳಿದ್ದಾರೆ.

“ಸಹಜವಾಗಿ ವಿಚಾರಗಳನ್ನು ನಿಭಾಯಿಸಲು ಸಾಧ್ಯವಾಗದ ಜನರಿದ್ದಾರೆ. ಆದರೆ ಅದು ನೈಜತೆಯನ್ನು ಪ್ರದರ್ಶಿಸುವ ಫಲಿತಾಂಶವಾಗಿರುತ್ತದೆ. ವಿಜಯ್ ಅವರ ಚಿತ್ರಗಳು ಡಬಲ್ ಮೀನಿಂಗ್ ಹಾಸ್ಯದಿಂದ ತುಂಬಿದ್ದರೂ, ಅವು ಯಾವಾಗಲೂ ಸುಂದರವಾದ ಸಂದೇಶದೊಂದಿಗೆ ಇರುತ್ತವೆ. ನಿರ್ದೇಶಕ ವಿಜಯ್ ಸರ್ ಮತ್ತು ನನ್ನ ನಡುವಿನ ಸಾಮಾನ್ಯ ಅಂಶವೆಂದರೆ ಸತ್ಯ ಮತ್ತು ವಾಸ್ತವವನ್ನು ಮುಂದಿಡಲು ನಮಗೆ ಯಾವುದೇ ಭಯವಿಲ್ಲ’ ಎಂದು ತೋತಾಪುರಿ ನಟಿ ಸುಮನ್ ರಂಗನಾಥ್ ಅಭಿಪ್ರಾಯ ಪಟ್ಟಿದ್ದಾರೆ.

ವಿಜಯ ಪ್ರಸಾದ್ ಅವರೊಂದಿಗೆ ನೀರ್ ದೋಸೆ ಮತ್ತು ಪೆಟ್ರೋಮ್ಯಾಕ್ಸ್‌ನಲ್ಲಿ ಕೆಲಸ ಮಾಡಿರುವ ಸುಮನ್ ಅವರು ವಿಕ್ಟೋರಿಯಾ ಎಂಬ ಸನ್ಯಾಸಿನಿಯ ಪಾತ್ರವನ್ನು ಚಿತ್ರದಲ್ಲಿ ನಿರ್ವಹಿಸುತ್ತಿದ್ದಾರೆ. ಸೆಪ್ಟೆಂಬರ್ 30 ರಂದು ತೆರೆಗೆ ಬರಲಿರುವ ಈ ಚಿತ್ರದಲ್ಲಿ ಜಗ್ಗೇಶ್ ಮತ್ತು ಅದಿತಿ ಪ್ರಭುದೇವ ನಟಿಸಿದ್ದಾರೆ.

ಚಿತ್ರ ಎರಡು ಭಾಗಗಳಲ್ಲಿ ಬಿಡುಗಡೆಯಾಗಲಿದೆ. ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿರುವ ಧನಂಜಯ್ ಅವರೊಂದಿಗೆ ಸುಮನ್ ತೆರೆ ಹಂಚಿಕೊಂಡಿದ್ದಾರೆ.

‘ನಾನು ವಿಜಯ್ ಪ್ರಸಾದ್ ಅವರ ಮುಂದಿನ ಚಿತ್ರ ಪರಿಮಳಾ ಲಾಡ್ಜ್‌ನ ಭಾಗವಾಗಿದ್ದೇನೆ. ಅದು ರೋಚಕ ಕಥೆಯನ್ನು ಹೊಂದಿದೆ. ಚಿತ್ರದಲ್ಲಿ ನಾನು ಟ್ರಾಫಿಕ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಳ್ಳುತ್ತಿದ್ದೇನೆ. ಈ ಪಾತ್ರದಲ್ಲಿ ಉತ್ತಮವಾದ ಅಯ್ಯಂಗಾರ್ ಹೆಂಡತಿಯೂ ಆಗಿದ್ದೇನೆ’ ಎಂದು ಸುಮನ್ ಹೇಳಿದ್ದಾರೆ.
__