ಅಮೆಜಾನ್ ಪ್ರೈಮ್ ನಲ್ಲಿ ‘ಲವ್ ಯು ಮುದ್ದು’

ಕುಮಾರ್ ನಿರ್ದೇಶಿಸಿದ ‘ಲವ್ ಯು ಮುದ್ದು’ ಚಿತ್ರ ಈಗ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ.

ಈ ಚಿತ್ರ  ಮಹಾರಾಷ್ಟ್ರದ ದಂಪತಿಯ ನಿಜವಾದ ಪ್ರೇಮಕಥೆಯಿಂದ ಪ್ರೇರಿತವಾಗಿದೆ. ಚಿತ್ರದಲ್ಲಿ ಸಿದ್ದು ಮೂಲಿಮನಿ ಮತ್ತು ರೇಷ್ಮಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.   ಪೋಷಕ ಪಾತ್ರವರ್ಗದಲ್ಲಿ ರಾಜೇಶ್ ನಟರಂಗ, ಗಿರೀಶ್ ಶಿವಣ್ಣ, ತಬಲಾ ನಾಣಿ, ಶ್ರೀವತ್ಸ, ಅಪೂರ್ವ ಮತ್ತು ಉಷಾ ಇದ್ದಾರೆ.

‘ಲವ್ ಯು ಮುದ್ದು’ ಚಿತ್ರ ವೆಂಬರ್ 7 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಮೆಚ್ಚುಗೆಯನ್ನು ಗಳಿಸಿತು. ಕಿಶನ್ ಎಂಟರ್‌ಟೈನ್‌ಮೆಂಟ್ ಬ್ಯಾನರ್ ಅಡಿಯಲ್ಲಿ ಕಿಶನ್ ಟಿಎನ್ ‘ಲವ್ ಯು ಮುದ್ದು’ ಚಿತ್ರ ನಿರ್ಮಿಸಿದ್ದಾರೆ. ಆಕಾಶ್ ನಾರಾಯಣಕರ್ ಮತ್ತು ಅಂಜಲಿ ಶಿಂಧೆ ಅವರ ಜೀವನವನ್ನು ಆಧರಿಸಿದ ಈ ಚಿತ್ರ ಅನಿರೀಕ್ಷಿತ ತಿರುವು ಪಡೆಯುವ ನವವಿವಾಹಿತ ದಂಪತಿ ಕುರಿತಾಗಿದೆ.

ಈ ಸುದ್ದಿಯನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಸಿದ್ದು ಮೂಲಿಮನಿ, ‘ಚಿಕ್ಕ ಕೈಗಳಿಂದ ದೊಡ್ಡ ಹೃದಯಗಳವರೆಗೆ. ಲವ್ ಯು ಮುದ್ದು ಈಗ ಅಮೆಜಾನ್ ಪ್ರೈಮ್‌ನಲ್ಲಿ 6 ಡಬ್ಬಿಂಗ್ ಭಾಷೆಗಳಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ನೀವು ಎಲ್ಲಿದ್ದರೂ, ಪ್ರೀತಿ ನಿಮ್ಮ ಭಾಷೆಯನ್ನು ಮಾತನಾಡುತ್ತದೆ’ ಎಂದು ಬರೆದಿದ್ದಾರೆ.

‘ಲವ್ ಯು ಮುದ್ದು’ ಗೆ  ಅನಿರುದ್ಧ ಶಾಸ್ತ್ರಿ ಅವರ ಸಂಗೀತ ಸಂಯೋಜನೆಯಿದ್ದು, ಕಾರ್ಕಳ, ಕುಮಟಾ, ಬೆಂಗಳೂರಿನಾದ್ಯಂತ ಚಿತ್ರೀಕರಿಸಲಾಗಿದೆ.

—–