ಹಿಂದಿ ಧಾರಾವಾಹಿಗೆ ಬಿಲ್ ಗೇಟ್ಸ್ ಎಂಟ್ರಿ

ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ,   ವಿಶ್ವದ ಶ್ರೀಮಂತ ವ್ಯಕ್ತಿ ಬಿಲ್ ಗೇಟ್ಸ್   ಹಿಂದಿ ಧಾರಾವಾಹಿಯಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸಲಿದ್ದಾರೆ.

ಮನೆಮಾತಾದ ಧಾರಾವಾಹಿ ‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥೀ’ ನ ಎರಡನೇ ಭಾಗ, ‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥೀ 2’  ಟಿವಿ ಪರದೆ ಮೇಲೆ ಮರುಪ್ರಾರಂಭವಾಗಿದೆ. ಈ ಧಾರಾವಾಹಿಯಲ್ಲಿ ಕೇಂದ್ರದ ಮಾಜಿ ಸಚಿವೆ ಸ್ಮೃತಿ ಇರಾನಿ ಮತ್ತೆ ತಮ್ಮ ಖ್ಯಾತ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಬಿಲ್ ಗೇಟ್ಸ್  ಒಂದು ವಿಶೇಷ ಎಪಿಸೋಡ್‌ನಲ್ಲಿ ಭಾಗವಹಿಸಲಿದ್ದಾರೆ.

ಸ್ಮೃತಿ ಇರಾನಿ ಅವರ ಪಾತ್ರದಲ್ಲಿ ಉದ್ಯಮ ಸಂಬಂಧಿತ ಸಲಹೆಗಾಗಿ ಬಿಲ್ ಗೇಟ್ಸ್‌ಗಳಿಗೆ ವೀಡಿಯೋ ಕರೆ ಮಾಡಲಾಗುತ್ತದೆ. ಈ ಕರೆಗೆ ಗೇಟ್ಸ್ ಉತ್ತರಿಸುತ್ತಾರೆ, ಸಲಹೆ ನೀಡುತ್ತಾರೆ ಮತ್ತು ಆಕೆಯ ವ್ಯವಹಾರಕ್ಕೆ ಹೂಡಿಕೆ ಮಾಡುವ ಮಾತು ಸಹ ನಡೆಯುತ್ತದೆ. ಈ ವೀಡಿಯೋ ಕಾಲ್ ದೃಶ್ಯವನ್ನು ಧಾರಾವಾಹಿಯಲ್ಲಿ ತೋರಿಸಲಾಗುವುದು.

ಬಿಲ್ ಗೇಟ್ಸ್ ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಟಿವಿ ಲೋಕದಲ್ಲಿ ಗಮನ ಸೆಳೆಯುತ್ತಿದೆ. ಹಿಂದಿನ ಎಪಿಸೋಡ್‌ಗಳಲ್ಲಿ ನಟಿ ಸಾಕ್ಷಿ ತನ್ವಾರ್ ಮತ್ತು ನಟ ಕಿರಣ್ ಕರ್ಮಕಾರ್   ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಬಿಲ್ ಗೇಟ್ಸ್ ಅವರು ಈಗಾಗಲೇ ಹಲವಾರು ಡಾಕ್ಯುಮೆಂಟರಿ ಹಾಗೂ ಟಿವಿ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿದ್ದಾರೆ.  ‘The Big Bang Theory’ ಎಂಬ   ಅಮೆರಿಕನ್ ಶೋದಲ್ಲಿ ಒಂದು ಎಪಿಸೋಡ್‌ನಲ್ಲಿ ನಿಜವಾದ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥೀ 2’ ಧಾರಾವಾಹಿ ಕಾಲ್ಪನಿಕ ಘಟನೆಯಲ್ಲದೆ,   ಜಾಗತಿಕ ತಾರೆಯರನ್ನು ತಮ್ಮ ಕಥಾನಕದಲ್ಲಿ ಸೇರಿಸುವ ಹೆಜ್ಜೆ ಇಟ್ಟಿದ್ದು,  ಈ ವಿಶಿಷ್ಟ ಎಪಿಸೋಡ್  ಎಲ್ಲೆಡೆ ಚರ್ಚೆಯಾಗುತ್ತಿದೆ.

—–