ಜೀವನ್ ಹಳ್ಳಿಕಾರ್ ನಿರ್ದೇಶನದ ‘ಬ್ಲ್ಯಾಕ್ ಶೀಪ್’ ಚಿತ್ರದ ‘ಹೃದಯವೇ’ ಮೆಲೋಡಿ ಹಾಡು ಆಗಸ್ಟ್ 15 ರಂದು ಯುಟ್ಯೂಬ್ ನಲ್ಲಿ ಬಿಡುಗಡೆಯಾಗುತ್ತಿದೆ.
ಈ ಕುರಿತು ಚಿತ್ರತಂಡ ಸೋಶಿಯಲ್ ಮೀಡಿಯಾದಲ್ಲಿ ಘೋಷಣೆ ಮಾಡಿದೆ. ಚಿತ್ರಕ್ಕೆ ಸಿದ್ದಾರ್ಥ್ ಕಾಮತ್ ಸಂಗೀತ ಸಂಯೋಜನೆ ನೀಡಿದ್ದಾರೆ.
ತನ್ನ ಶೀರ್ಷಿಕೆಯಿಂದಲೇ ಸಾಕಷ್ಟು ನಿರೀಕ್ಷೆ ಮೂಡಿಸಿರುವ ‘ಬ್ಲ್ಯಾಕ್ ಶೀಪ್’ ಚಿತ್ರದಲ್ಲಿ ವಿಶಾಲ್ ಕಿರಣ್ ಸೇರಿದಂತೆ ಪ್ರಶಾಂತ್ ವಿ ಹರಿ, ಶಿವಂಗಿ ಡೇವಿ, ನಿಶಾ ಹೆಗಡೆ, ಕೆ ಎಸ್ ಶ್ರೀಧರ್, ಕೃಷ್ಣ ಹೆಬ್ಬಾಳೆ, ಸುಂದರ್ ವೀಣಾ, ಭಜರಂಗಿ ಪ್ರಸನ್ನ ಬಣ್ಣ ಹಚ್ಚಿದ್ದಾರೆ.
ಗ್ಲಿಟರರ್ಸ್ ಸ್ಟಾರ್ ಹೌಸ್ ಬ್ಯಾನರ್ ನಲ್ಲಿ ಅಶ್ವಿನಿ ಗುರು ಚರಣ್ ನಿರ್ಮಾಣ ಮಾಡಿದ್ದು, ಮಂಜುನಾಥ್ ಪಿ ರಾವ್ ಸಹ ನಿರ್ಮಾಪಕರಾಗಿ ಕೆಲಸ ಮಾಡಿದ್ದಾರೆ. ಆಕಾಶ್ ಮಹೇಂದ್ರ ಕಾರ್ ಸಂಕಲನವಿದೆ.
—-
Be the first to comment