ಆಕ್ಷನ್ ಕ್ವೀನ್, ಕನಸಿನ ರಾಣಿ, ಲೇಡಿ ಸೂಪರ್ ಸ್ಟಾರ್ ಎಂದು ಹೆಸರಾದ ಮಾಲಾಶ್ರೀ ಒಂದು ಕಾಲದಲ್ಲಿ ಕನ್ನಡ ಚಿತ್ರರಂಗವನ್ನು ಆಳಿದವರು. ಮಾಲಾಶ್ರೀಗೆ ಈ ಬಿರುದುಗಳನ್ನು ನೀಡಿದವರು ಖ್ಯಾತ ಸಂಗೀತ ನಿರ್ದೇಶಕ ಹಂಸಲೇಖ!
ಸ್ವತಃ ಮಾಲಾಶ್ರೀ ಅವರು ಈ ವಿಷಯವನ್ನು ಮಾರಕಾಸ್ತ್ರ ಚಿತ್ರದ ಪತ್ರಿಕಾಗೋಷ್ಠಿಯಲ್ಲಿ ಬಿಸಿನಿಮಾಸ್ ಜೋತೆ ಮಾತಾಡಿದ್ದಾರೆ. ಹಂಸಲೇಖ ಅವರು ಕೊಟ್ಟ ಬಿರುದುಗಳು ನನ್ನ ಹೆಸರಿನ ಜೊತೆಗೆ ಈಗಲೂ ಇವೆ. ಇದು ತುಂಬಾ ಹೆಮ್ಮೆಯ ಸಂಗತಿ ಎಂದು ಮಾಲಾಶ್ರೀ ಹೇಳಿದ್ದಾರೆ.
ನಾನು ಆಗ ದಿನಕ್ಕೆ 24 ಗಂಟೆಯೂ ನಟನೆಯಲ್ಲಿ ಬಿಜಿ ಇದ್ದೆ. ನಾಲ್ಕು ಐದು ಶಿಫ್ಟ್ ಗಳಲ್ಲಿ ಕೆಲಸ ಮಾಡುತ್ತಿದ್ದೆ. ಬೆಳಗ್ಗೆ ಒಂದು ಸಿನಿಮಾ, ಮಧ್ಯಾಹ್ನ ಇನ್ನೊಂದು, ಸಂಜೆ ಮತ್ತೊಂದು, ರಾತ್ರಿ ಇನ್ನೊಂದು ಸಿನಿಮಾ ಹೇಳಿ ಬಿಜಿ ಆಗಿದ್ದೆ. ಆಗ ಹಂಸಲೇಖ ಅವರು ರಾಣಿ ಮಹಾರಾಣಿ ಚಿತ್ರ ನೋಡಿ ಕನಸಿನ ರಾಣಿ, ಲೇಡಿ ಕಮಿಷನರ್ ಸಿನಿಮಾ ನೋಡಿ ಆಕ್ಷನ್ ಕ್ವೀನ್, ಇನ್ನೊಂದು ಚಿತ್ರವನ್ನು ನೋಡಿ ಲೇಡಿ ಸೂಪರ್ ಸ್ಟಾರ್ ಎನ್ನುವ ಬಿರುದನ್ನು ಕೊಟ್ಟರು ಎಂದು ತಮ್ಮ ಹಳೆಯ ದಿನಗಳ ನೆನಪನ್ನು ಮಾಲಾಶ್ರೀ ಮಾಡಿಕೊಂಡಿದ್ದಾರೆ.
ಹಂಸಲೇಖ ಅವರು ನೀಡಿರುವ ಬಿರುದುಗಳು ನನ್ನ ಬದುಕಿನ ಹೆಮ್ಮೆಯ ಸಂಗತಿ ಆಗಿದೆ ಎಂದು ಮಾಲಾಶ್ರೀ ಹೇಳಿದ್ದಾರೆ.
___
Be the first to comment