‘ಮಟಾಶ್’ಗೆ ಪವರ್‌ಫುಲ್ ಸಾಂಗ್..!

ಪುನೀತ್ ರಾಜಕುಮಾರ್ ಹಾಡಿರುವ ‘ಮಟಾಶ್’ ಚಿತ್ರದ ಗೀತೆಯ ಲಿರಿಕಲ್ ವಿಡಿಯೋ ರಿಲೀಸ್

ಗೋಲ್ಡ್ ಆ್ಯಂಡ್ ಡ್ರೀಮ್ಸ್ ಕ್ರೋಮ್ಸ್’ ಮತ್ತು ‘ಬಾಲಮಣಿ ಪ್ರೊಡಕ್ಷನ್ಸ್’ ಲಾಂಛನದಲ್ಲಿ ಸತೀಶ್ ಪಾಠಕ್, ಗಿರೀಶ್ ಪಟೇಲ್, ಚಂದ್ರಶೇಖರ್ ಮಣೂರ ಹಾಗೂ ಜಂಟಿಯಾಗಿ ನಿರ್ಮಿಸುತ್ತಿರುವ ‘ಮಟಾಶ್’ ಚಿತ್ರ ಲಿರಿಕಲ್ ವಿಡಿಯೋ ಇತ್ತೀಚೆಗೆ ಬಿಡುಗಡೆಯಾಗಿದೆ.

ಪವರ್‌ ಸ್ಟಾರ್ ಪುನೀತ್ ರಾಜಕುಮಾರ್ ಹಾಡಿರುವ ‘ಚಜ್ಜಿ ರೊಟ್ಟಿ ಚವಲಿಕಾಯಿ…’ ಎಂಬ ಈ ಹಾಡಿಗೆ ಸುನೀಲ್ ಕುಮಾರ್ ಸುಧಾಕರ್ ಸಾಹಿತ್ಯ ಬರೆದಿದ್ದಾರೆ. ವಿಜಾಪುರದ ಶ್ರೀಸಿದ್ದೇಶ್ವರ ಮಂಗಳ ಕಾರ್ಯಕ್ರಮದಲ್ಲಿ ನೆರೆದಿದ್ದ ಗಣ್ಯರ ಹಾಗೂ ಸಾವಿರಾರು ಅಭಿಮಾನಿಗಳ ಸಮ್ಮುಖದಲ್ಲಿ, ಚಿತ್ರತಂಡ ‘ಮಟಾಶ್’ ಹಾಡಿನ ಮೊದಲ ಲಿರಿಕಲ್ ವಿಡಿಯೋವನ್ನು ಬಿಡುಗಡೆಗೊಳಿಸಿತು.‘ಲಾಸ್ಟ್ ಬಸ್’ ಖ್ಯಾತಿಯ ಎಸ್.ಡಿ.ಅರವಿಂದ್ ಆ್ಯಕ್ಷನ್-ಕಟ್ ಹೇಳುತ್ತಿರುವ ‘ಮಟಾಶ್’ ಚಿತ್ರಕ್ಕೆ ರಾನಿ ಛಾಯಾಗ್ರಹಣ, ವಿನೋದ್ ಬಸವರಾಜ್ ಸಂಕಲನ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಚಿತ್ರಕ್ಕೆ ವಿಜಯ್ ಕೃಷ್ಣ ಹಾಗೂ ಎಸ್.ಡಿ.ಅರವಿಂದ್ ಜಂಟಿಯಾಗಿ ಸಂಗೀತ ನೀಡಿದ್ದಾರೆ. ಅವಿನಾಶ್ ನರಸಿಂಹರಾಜು ಕಲಾ ನಿರ್ದೇಶನ ಮಾಡಿದ್ದಾರೆ.

ಸಮರ್ಥ ನರಸಿಂಹರಾಜು, ಐಶ್ವರ್ಯ ಸಿಂಧೋಗಿ, ರಜನಿ ಭಾರದ್ವಾಜ್, ರಘು ರಮಣಕೊಪ್ಪ, ವಿ.ಮನೋಹರ್, ನಂದ ಗೋಪಾಲ್, ಸದಾನಂದ್ ಕಾಳಿ, ರವಿಕಿರಣ್ ರಾಜೇಂದ್ರನ್, ಸಿದ್ದಾಂತ್ ಸುಂದರ್, ರಂಗಸ್ವಾಮಿ, ಅಮೋಘ ರಾಹುಲ್, ಗಣೇಶ್ ರಾಜ್, ಬಾಲಾಜಿ ಪಿ. ಶೆಟ್ಟಿ, ಗೌತಮ್, ನಾಗಾರ್ಜುನ್, ಸಿದ್ಧು, ರೂಪ ಶ್ರೀಧರ್, ಅಸುರಿ ಮುಂತಾದ ಕಲಾವಿದರು ‘ಮಟಾಶ್’ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.