Vishnupriya: ವಿಷ್ಣು ಪ್ರಿಯಾ ಕ್ಲೈಮ್ಯಾಕ್ಸ್ ರೀಶೂಟ್

ಶ್ರೇಯಸ್ ಮಂಜು ಅವರ ಮುಂದಿನ ವಿಷ್ಣು ಪ್ರಿಯಾ ಸಿನಿಮಾದ ಕ್ಲೈಮ್ಯಾಕ್ಸ್ ನ್ನು ರೀಶೂಟ್ ಮಾಡಲಾಗಿದೆ.

ವಿಷ್ಣು ಪ್ರಿಯಾ ಸಿನಿಮಾ ಸದ್ಯ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಚಿತ್ರತಂಡ ಇತ್ತೀಚೆಗಷ್ಟೇ ಚಿತ್ರದ ಟೀಸರ್ ನ್ನು ಬಿಡುಗಡೆ ಮಾಡಿದೆ. ಈಗ ಸಿನಿಮಾಕ್ಕೆ ಬಂಡವಾಳ ಹೂಡಿರುವ ನಿರ್ಮಾಪಕ ಕೆ ಮಂಜು, ಕ್ಲೈಮ್ಯಾಕ್ಸ್ ನ್ನು ರೀಶೂಟ್ ಮಾಡಿದ್ದಾರೆ.

‘ನಾವು ಕ್ಲೈಮ್ಯಾಕ್ಸ್ ಮೂಡಿಬಂದಿದ್ದ ಬಗ್ಗೆ ತೃಪ್ತರಾಗಿರಲಿಲ್ಲ, ಆದ್ದರಿಂದ ನಾವು ಮರುಚಿತ್ರೀಕರಣ ನಡೆಸಿದ್ದೇವೆ’ ಎಂದು ಮಂಜು ಹೇಳಿದ್ದಾರೆ.

ಜೂನ್‌ ನಲ್ಲಿ ಚಿತ್ರವನ್ನು ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ. ರಾಷ್ಟ್ರಪ್ರಶಸ್ತಿ ವಿಜೇತ ನಿರ್ದೇಶಕ ವಿ ಕೆ ಪ್ರಕಾಶ್ ಅವರು ವಿಷ್ಣು ಪ್ರಿಯಾ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ.

ಈ ರೊಮ್ಯಾಂಟಿಕ್ ಸಿನಿಮಾ ಮೂಲಕ ಕಣ್ಸನ್ನೆ ಬೆಡಗಿ ಖ್ಯಾತಿಯ ಮಲಯಾಳಂನ ನಟಿ ಪ್ರಿಯಾ ವಾರಿಯರ್ ಕನ್ನಡಕ್ಕೆ ಪಾದಾರ್ಪಣೆ ಮಾಡಿದ್ದಾರೆ.ಧಾರವಾಡದ ಸಿಂಧುಶ್ರೀ ಬರೆದ ಕಥೆಯನ್ನು ಆಧರಿಸಿ ವಿಷ್ಣು ಪ್ರಿಯಾ ಸಿನಿಮಾವನ್ನು ಮಾಡಲಾಗಿದೆ. 90ರ ದಶಕದಲ್ಲಿ ನಡೆಯುವ ವಿಷ್ಣು ಪ್ರಿಯಾ ಒಂದು ರೋಮ್ಯಾಂಟಿಕ್ ಚಿತ್ರವಾಗಿದ್ದು, ಅದು ಕೌಟುಂಬಿಕ ಮೌಲ್ಯಗಳ ಮೇಲೆ ನಿಂತಿದೆ.

ಚಿತ್ರಕ್ಕೆ ಗೋಪಿ ಸುಂದರ್ ಸಂಗೀತ ಸಂಯೋಜನೆ, ನಾಗೇಂದ್ರ ಪ್ರಸಾದ್ ಸಾಹಿತ್ಯ ಬರೆದಿದ್ದಾರೆ.
—–