ರಂಗಭೂಮಿ, ಕಿರುತೆರೆಯ ನಟರನ್ನು ಬಳಸಿಕೊಂಡು ‘ಟೆರರಿಸ್ಟ್’ ಎಂಬ ಸಿನಿಮಾ ಮಾಡಹೊರಟಿರುವ ನಿರ್ದೇಶಕ ಪಿ.ಸಿ. ಶೇಖರ್ ವಿಭಿನ್ನವಾದ ಪೋಸ್ಟರ್ಗಳಿಂದಲೇ ನಿರೀಕ್ಷೆ ಹುಟ್ಟುಹಾಕಿದ್ದರು. ಇದೀಗ, ಆ ಸಿನಿಮಾದ ಟ್ರೈಲರ್ ಬಿಡುಗಡೆಯಾಗಿದ್ದು, ಸಿನಿಮಾದ ಬಗ್ಗೆ ಇನ್ನಷ್ಟು ಕುತೂಹಲ ಮೂಡಿಸಿರುವುದು ಸುಳ್ಳಲ್ಲ.
ಮಹಿಳಾ ಪ್ರಧಾನಿ ಸಿನಿಮಾವಾಗಿರುವ ಈ ಚಿತ್ರದ ಪ್ರಮುಖ ಪಾತ್ರದಲ್ಲಿ ನಟಿ ರಾಗಿಣಿ ದ್ವಿವೇದಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಹಲವಾರು ರಂಗಭೂಮಿ, ಕಿರುತೆರೆ ಕಲಾವಿದರ ದಂಡೇ ಈ ಸಿನಿಮಾದಲ್ಲಿದೆ. ನಿನ್ನೆ ಸಂಜೆ ಮಂತ್ರಿ ಮಾಲ್ನಲ್ಲಿ ನಟ ರಕ್ಷಿತ್ ಶೆಟ್ಟಿ ‘ಟೆರರಿಸ್ಟ್’ ಸಿನಿಮಾದ ಟ್ರೈಲರ್ ಬಿಡುಗಡೆ ಮಾಡಿದ್ದಾರೆ.
ರಾಗಿಣಿಯ ಜೊತೆಗೆ ರಂಗಭೂಮಿ ನಟರಾದ ಬಾಲಾಜಿ ಮನೋಹರ್, ಮನು ಹೆಗಡೆ, ಪದ್ಮಾ ಶಿವಮೊಗ್ಗ, ನಟ ಶ್ರೀಕಾಂತ್ ಗಣೇಶ್, ಕಿರುತೆರೆ ನಟಿ ಅಪೂರ್ವ ಮುಂತಾದವರು ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ರೋಮಿಯೋ, ರಾಗ ಮುಂತಾದ ಕನ್ನಡ ಚಿತ್ರಗಳನ್ನು ನೀಡಿರುವ ಪಿ.ಸಿ. ಶೇಖರ್ ಅವರ ಹೊಸ ಸಿನಿಮಾ ‘ಟೆರರಿಸ್ಟ್’ ಟ್ರೈಲರ್ ಇಲ್ಲಿದೆ.
Be the first to comment