ಈ ವಾರ ತೆರೆಗೆ `ಒಂದಲ್ಲಾಎರಡಲ್ಲಾ’

ಡಿ.ಎನ್ ಸಿನಿಮಾಸ್ ಲಾಂಛನದಲ್ಲಿ ಶ್ರೀಮತಿ ಸ್ಮಿತಾ ಉಮಾಪತಿ ಅವರು ನಿರ್ಮಿಸಿರುವ `ಒಂದಲ್ಲಾಎರಡಲ್ಲಾ` ಚಿತ್ರ ಈ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.
ಡಿ.ಸತ್ಯಪ್ರಕಾಶ್(ರಾಮಾ ರಾಮಾ ರೇ) ಕಥೆ, ಸಾಹಿತ್ಯ ಹಾಗೂ ನಿರ್ದೇಶನದ ಈ ಚಿತ್ರಕ್ಕೆ ಧನಂಜಯ್ ರಂಜನ್, ನಾಗೇಂದ್ರ ಹೆಚ್.ಎಸ್ ಹಾಗೂ ಡಿ.ಸತ್ಯಪ್ರಕಾಶ್ ಚಿತ್ರಕಥೆ ಬರೆದಿದ್ದಾರೆ. ವಾಸುಕಿ ವೈಭವ್ ಹಾಗೂ ನಾಬಿನ್ ಪಾಲ್ ಸಂಗೀತ ನೀಡಿದ್ದಾರೆ. ಲವಿತ್ ಛಾಯಾಗ್ರಹಣ, ಬಿ.ಎಸ್ ಕೆಂಪರಾಜ್ ಸಂಕಲನ ಹಾಗೂ ವರದರಾಜ್ ಕಾಮತ್ ಅವರ ಕಲಾ ನಿರ್ದೆಶನವಿರುವ ಈ ಚಿತ್ರಕ್ಕೆ ನಾಗೇಂದ್ರ ಹೆಚ್.ಎಸ್ ಸಂಭಾಷಣೆ ಬರೆದಿದ್ದಾರೆ. ದರ್ಶನ್ ಎಸ್, ಭಾಸ್ಕರ್ ದೇವ್ ಈ ಚಿತ್ರದ ಕಾರ್ಯಕಾರಿ ನಿರ್ಮಾಪಕರು.
ಮಾಸ್ಟರ್ ಪಿ.ವಿ.ರೋಹಿತ್, ಸಾಯಿಕೃಷ್ಣ ಕುಡ್ಲ, ಎಂ.ಕೆ.ಮಠ, ಆನಂದ್ ನೀನಾಸಂ, ಪ್ರಭುದೇವ್ ಹೊಸದುರ್ಗ, ನಾಗಭೂಷಣ್, ರಂಜಾನ್ ಸಾ ಬ್ ಉಳ್ಳಾಗಡ್ಡಿ, ಜಿ.ಎಸ್.ರಂಗನಾಥ್, ಯು.ವಿ.ನಂಜಪ್ಪ(ಬೆನಕ), ತಿಮ್ಮಪ್ಪ ಕುಲಾಲ್, ಸಂಧ್ಯಾ ಅರಕೆರೆ, ಉಷಾ ರವಿಶಂಕರ್, ತ್ರಿವೇಣಿ ಎಂ ವಸಿಷ್ಠ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.