ವೇಷಧಾರಿ ಚಿತ್ರೀಕರಣ ಮುಕ್ತಾಯ

ಶ್ರೀ ಸಾಯಿ ಭಗವಾನ್ ಕಂಬೈನ್ಸ್ ಲಾಂಛನದಲ್ಲಿ ತಯಾರಾಗುತ್ತಿರುವ ಶಿವಾನಂದ ಭೂಷಿ ಅವರ `ವೇಷಧಾರಿ’ ಕಾದಂಬರಿಯನ್ನು ಆಧರಿಸಿದ ಚಿತ್ರ `ವೇಷಧಾರಿ’.ಪ್ರತಿಯೊಬ್ಬ ವ್ಯಕ್ತಿಯು ಆಸೆಗಳ ಬೆನ್ನುಬಿದ್ದು ಅವುಗಳನ್ನು ಒಲಿಸಿಕೊಳ್ಳಲು ಎಷ್ಟೇ ಪ್ರಯತ್ನಿಸಿದರೂ ಅವು ಒಲಿಯುವುದು ಬಹಳ ಕಷ್ಟ. ಆದರೆ ಆಸೆಗಳನ್ನು ತೊರೆದು ನಮ್ಮಷ್ಟಕ್ಕೆ ನಾವು ನಿಯತ್ತಿನಿಂದ ಕಾಯಕ ಮಾಡಿದರೆ ಎಲ್ಲವೂ ನಮ್ಮ ಬೆನ್ನ ಹಿಂದೆಯೇ ಬರುತ್ತದೆ ಎನ್ನುವುದು ಕಥೆಯ ತಿರುಳು. ಜೊತೆಗೆ ನಿಜವಾಗಿಯೂ ಒಬ್ಬ ವ್ಯಕ್ತಿ ಪ್ರಪಂಚದ ಎಲ್ಲ ಭೋಗಗಳನ್ನು ತ್ಯಾಗ ಮಾಡಿ ಬದುಕಲು ಸಾಧ್ಯವಾ? ಎಂಬುದನ್ನು ಆಳವಾಗಿ ಪರೀಕ್ಷಿಸುವ ಒಂದು ಪ್ರಯತ್ನ ಈ ಚಿತ್ರದಲ್ಲಿದೆ. ಈಗಾಗಲೇ ಚಿತ್ರದ ಚಿತ್ರೀಕರಣ ಸಂಪೂರ್ಣಗೊಂಡಿದೆ.ಆರ್ಯನ್ ನಾಯಕನಟನಾಗಿರುವ ಈ ಚಿತ್ರದಲ್ಲಿ ಶೃತಿ, ಸೋನಂ ರೈ, ಅಶ್ವಿತಾ ನಾಯಕಿಯರು. ಬಿರಾದಾರ್, ಮಿಮಿಕ್ರಿ ಗೋಪಿ, ಕುರಿ ರಂಗಣ್ಣ, ಮೈಕಲ್ ಮಧು, ಮೋಹನ್ ಜುನೇಜ ಮತ್ತು ಸೀರುಂಡೆ ರಘು (ಕಾಮಿಡಿ ಕಿಲಾಡಿ), ಲಿಂಗ, ಜೀವನ್, ರಕ್ಷಕ್ (ಮಜಾಭಾರತ) ಕಾಮಿಡಿ ಟೀಂ, ಉತ್ತರ ಕರ್ನಾಟಕದ ಫೇಮಸ್ ಸ್ಟೇಜ್ ಡ್ಯಾನ್ಸರ್ ಪಲ್ಲವಿ ಬಳ್ಳಾರಿ ಮುಂತಾದವರು ಈ ಚಿತ್ರದ ತಾರಾಗಣದಲ್ಲಿದ್ದಾರೆ.
ಆರು ಹಾಡುಗಳಿಗೆ ವಿ. ಮನೋಹರ್ ಸಂಗೀತ ನೀಡಿದ್ದಾರೆ. ಅತಿಶಯ್ ಜೈನ್ ಹಿನ್ನೆಲೆ ಸಂಗೀತ, ಚಂದ್ರು ಬೆಳವಂಗಲ ಛಾಯಾಗ್ರಹಣವಿರುವ ಈ ಚಿತ್ರವನ್ನು ವಿಕ್ರಮಾದಿತ್ಯ ಬಿ ಭೂಶಿ (ಘೋಡಗೇರಿ) ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸುತ್ತಿದ್ದಾರೆ. ಅನೀಲ ಹೆಚ್. ಅಂಬಿ, ಮತ್ತು ಹೆಚ್.ಕೆ. ಫ್ರೆಂಡ್ಸ್ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.