ಹೌದು, ಈ ಚಿತ್ರದಲ್ಲಿ ಶಾಲಿನಿ ಅವರ ಪಾತ್ರವನ್ನು ನಟಿ ಸೋನು ನಿಭಾಯಿಸುತ್ತಿದ್ದಾರೆ. ಮುಖ್ಯ ಪಾತ್ರವನ್ನು ಸೋನು ಮಾಡುತ್ತಿರುವಾಗ, ಶಾಲಿನಿ ರಜನೀಶ್ ಅವರ ಪಾತ್ರವೇನು ಎಂಬ ಪ್ರಶ್ನೆ ಸಹಜವಾಗಿಯೇ ಬರುತ್ತದೆ. ಸೋನು ಐಎಎಸ್ ಸಂದರ್ಶನಕ್ಕೆ ಹೋದ ಸಂದರ್ಭದಲ್ಲಿ, ಶಾಲಿನಿ ರಜನೀಶ್ ಅವರು ಸಂದರ್ಶನ ಮಾಡುತ್ತಾರಂತೆ. ‘ಶಾಲಿನಿ ಐಎಎಸ್’ ಚಿತ್ರದ ಚಿತ್ರೀಕರಣ ಬೆಂಗಳೂರು ಮತ್ತು ಚಿತ್ರದುರ್ಗದಲ್ಲಿ ಸುಮಾರು 22 ದಿನಗಳ ಕಾಲ ನಡೆದಿದ್ದು, ಇನ್ನು ಎರಡ್ಮೂರು ದಿನಗಳ ಚಿತ್ರೀಕರಣ ನಡೆದರೆ ಚಿತ್ರ ಮುಗಿದಂತೆ.
ಇನ್ನು ಈ ಚಿತ್ರದಲ್ಲಿ ರಜನೀಶ್ ಆಗಿ, ರೋಜರ್ ನಾರಾಯಣ್ ನಟಿಸುತ್ತಿರುವುದು ವಿಶೇಷ. ಈ ಚಿತ್ರವನ್ನು 1+1+=11 ಎಂಬ ಬ್ಯಾನರ್ನಡಿ ನಾಲ್ವರು ಗೆಳೆಯರ ಜತೆಗೂಡಿ ನಿಖಿಲ್ ಮಂಜು ನಿರ್ಮಾಣ ಮಾಡುತ್ತಿದ್ದಾರೆ. ಚಿತ್ರಕ್ಕೆ ಸಮೀರ್ ಕುಲಕರ್ಣಿ ಸಂಗೀತ ಮತ್ತು ವಿ. ಮನೋಹರ್ ಅವರ ಸಾಹಿತ್ಯವಿದೆ. ಶಾಲಿನಿ ರಜನೀಶ್ ದಂಪತಿ ಬರೆದ ‘ಐಎಎಸ್ ದಂಪತಿ ಕನಸುಗಳು’ ಪುಸ್ತಕವನ್ನು ಆಧರಿಸಿ ಈ ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ ನಿಖಿಲ್ ಮಂಜು.
Pingback: best dumps website
Pingback: cc dump sites