ಸ್ವಪ್ರತಿಭೆಯಿಂದಲೇ Sandalwood ನಲ್ಲಿ ಸೆಲೆಬ್ರಿಟಿ ನಟನಾಗಿ ಬೆಳೆದಿರುವ ಅಪ್ಪಟ ದೇಸಿ ಪ್ರತಿಭೆ, ಅಭಿನಯ ಚತುರ ಸತೀಶ್ ನೀನಾಸಂ ಈ ಸಲವೂ ಅವರು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ. ಕಳೆದ ಸಲ ಲಾಖ್ಡೌನ್ನಿಂದಾಗಿ ಅವರು ಬರ್ತ್ ಡೇ ಸೆಲಬ್ರೇಷನ್ ಇಲ್ಲ ಎಂದಿದ್ದರು. ಈ ಸಲ ಸ್ನೇಹಿತ ಸಂಚಾರಿ ವಿಜಯ್ ಅವರನ್ನು ಕಳೆದುಕೊಂಡ ನೋವಿನಲ್ಲಿದ್ದು, ಅದಕ್ಕೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ ಎಂದಿದ್ದಾರೆ.
ಸಂಚಾರಿ ವಿಜಯ್ ಅವರ ಅಗಲಿಕೆಯಿಂದ ಇನ್ನೂ ಅವರ ಕುಟುಂಬದವರು ಹಾಗೂ ಸ್ನೇಹಿತರ ಬಳಗ ಹೊರ ಬಂದಿಲ್ಲ. ವಿಜಯ್ ಅವರು ಆಸ್ಪತ್ರೆಗೆ ದಾಖಲಾದಾಗಿನಿಂದ ಅಂತ್ಯಸಂಸ್ಕಾರದ ವರೆಗೆ ಸತೀಶ್ ನೀನಾಸಂ ಜೊತೆಯಲ್ಲೇ ಇದ್ದರು.
ಸ್ನೇಹಿತನ ಅಗಲಿಕೆಯಿಂದಾಗಿ ಇನ್ನೂ ನೋವಿನಿಂದ ಹೊರ ಬಾರದ ಅವರು ಈ ಸಲ ಹುಟ್ಟುಹಬ್ಬ ಆಚರಿಸಿಕೊಳ್ಳುವುದಿಲ್ಲ ಎಂದಿದ್ದಾರೆ. ವಿಜಿ ಇಲ್ಲದ ಈ ಸಂದರ್ಭದಲ್ಲಿ ತುಂಬ ನೋವಿನಲ್ಲಿ ನನ್ನ ಗೆಳೆಯರ ಬಳಗವಿದೆ. ಹಾಗಾಗಿ ಈ ಸಲ ಅಂದರೆ ನಾಳೆ ನನ್ನ ಹುಟ್ಟುಹಬ್ಬದ ಆಚರಣೆ ಹಾಗೂ ಯಾವುದೇ ಸಂಭ್ರಮಗಳಿರುವುದಿಲ್ಲ ಎಂದು ಇನ್ಸ್ಟಾಗ್ರಾಂ ಸ್ಟೋರೀಸ್ನಲ್ಲಿ ಹಂಚಿಕೊಂಡಿದ್ದಾರೆ.
ಸತೀಶ್ ನೀನಾಸಂ ಹುಟ್ಟುಹಬ್ಬದಂದು ಅವರ ಬಹುನಿರೀಕ್ಷಿತ ಸಿನಿಮಾ ಪೆಟ್ರೋಮ್ಯಾಕ್ಸ್ ಟೀಸರ್ ರಿಲೀಸ್ ಮಾಡಲು ನಿರ್ಧರಿಸಲಾಗಿತ್ತು. ಆದರ ಈಗ ಪೆಟ್ರೋಮ್ಯಾಕ್ಸ್ ಟೀಸರ್ ರಿಲೀಸ್ ದಿನಾಂಕವನ್ನೂ ಮುಂದೂಡಲಾಗಿದೆ. ಪೆಟ್ರೋಮ್ಯಾಕ್ಸ್ ಸಿನಿಮಾದಲ್ಲಿ ಸತೀಶ್ ನೀನಾಸಂ ಅವರಿಗೆ ಹರಿಪ್ರಿಯಾ ಅವರು ನಾಯಕಿಯಾಗಿ ನಟಿಸಿದ್ದಾರೆ.
ನಟ ಸತೀಶ್ ನೀನಾಸಂ ಅವರ ಕೈಯಲ್ಲಿ ಸಾಲು ಸಾಲು ಸಿನಿಮಾಗಳಿವೆ. ನಟ ಸತೀಶ್ ನೀನಾಸಂ ಸದ್ಯಕ್ಕೆ ಪೆಟ್ರೋಮ್ಯಾಕ್ಸ್ ಸಿನಿಮಾದ ಚಿತ್ರೀಕರಣ ಪೂರ್ಣಗೊಳಿಸಿದ್ದಾರೆ. 
Be the first to comment