ವಿಕ್ರಮ್‌ಗೆ ಜೋಡಿಯಾದ ಸಂಯುಕ್ತಾ ಹೆಗ್ಡೆ

ಕಿರಿಕ್ ಪಾರ್ಟಿ ಮೂಲಕ ಖ್ಯಾತಿ ಗಳಿಸಿದ ನಟಿ ಸಂಯುಕ್ತ ಹೆಗ್ಡೆ, ವಿಕ್ರಮ್ ನಟನೆಯ ಮುಂಬರುವ ‘ಚಿಯಾನ್ 63’  ಚಿತ್ರದಲ್ಲಿ ನಟಿಸಲಿದ್ದಾರೆ.

ಸಂಯುಕ್ತಾ ತಮಿಳು ಚಿತ್ರರಂಗದಲ್ಲಿ ತಮ್ಮ ಛಾಪು ಮೂಡಿಸಿದ್ದಾರೆ. ಬಾಲಿವುಡ್‌ನಲ್ಲಿಯೂ   ಛಾಪು ಮೂಡಿಸಿರುವ ಸಂಯುಕ್ತಾ ಹೆಗ್ಡೆ, ‘ಚಿಯಾನ್ 63’ ಚಿತ್ರದ ಮೂಲಕ ಮತ್ತೊಮ್ಮೆ ತಮಿಳು ಚಿತ್ರರಂಗ ಪ್ರವೇಶಿಸುತ್ತಿದ್ದಾರೆ.

‘ಇರು ಮುಗನ್’ ನಂತರ ಸುಮಾರು ಒಂದು ದಶಕದ ನಂತರ ಆನಂದ್ ಶಂಕರ್ ಮತ್ತು ವಿಕ್ರಮ್ ಒಟ್ಟಿಗೆ ಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ.

ವಿಕ್ರಮ್ ಮತ್ತು ಆನಂದ್ ಶಂಕರ್ ಅವರ ಪುನರ್ಮಿಲನ  ಹೆಚ್ಚಿನ ಗಮನ ಸೆಳೆದಿದ್ದರೂ, ಸಂಯುಕ್ತಾ ಹೆಗ್ಡೆಗೆ ‘ಚಿಯಾನ್ 63’  ವೃತ್ತಿಜೀವನದ   ಪ್ರಮುಖ ಹೆಜ್ಜೆಯಾಗಿದೆ.  ರಕ್ಷಿತ್ ಶೆಟ್ಟಿ  ನಟನೆಯ ‘ಕಿರಿಕ್ ಪಾರ್ಟಿ’ ಮೂಲಕ ಖ್ಯಾತಿ ಗಳಿಸಿದ   ಸಂಯುಕ್ತ ಹೆಗ್ಡೆ, ನಂತರ ‘ಕೋಮಲಿ’, ‘ಮನ್ಮತ ಲೀಲೈ’ ಚಿತ್ರಗಳ ಮೂಲಕ ತಮಿಳು ಚಿತ್ರರಂಗದಲ್ಲಿ ಗುರುತಿಸಿಕೊಂಡರು.

ಸತ್ಯ ಜ್ಯೋತಿ ಫಿಲ್ಮ್ಸ್ ನಿರ್ಮಿಸಿರುವ ‘ಚಿಯಾನ್ 63’  ಚಿತ್ರವು ಫ್ಯಾಮಿಲಿ ಆಕ್ಷನ್ ಎಂಟರ್‌ಟೈನರ್ ಆಗಿ ಮೂಡಿಬರುತ್ತಿದೆ. ರಿಯಾ ಶಿಬು, ಊರ್ವಶಿ ಮತ್ತು ಎಂಎಸ್ ಭಾಸ್ಕರ್ ಸೇರಿದಂತೆ ಹಲವರು ನಟಿಸಲಿದ್ದಾರೆ. ಚಿತ್ರಕ್ಕೆ ಸಂತೋಷ್ ನಾರಾಯಣನ್ ಸಂಗೀತ ಸಂಯೋಜಿಸಿದ್ದಾರೆ.

—–