‘ಲವ್ ಮಾಕ್ಟೇಲ್ 3’ ಚಿತ್ರದ ಚಿತ್ರೀಕರಣ ಶೀಘ್ರದಲ್ಲೇ ಆರಂಭವಾಗಲಿದೆ ಎಂದು ಡಾರ್ಲಿಂಗ್ ಕೃಷ್ಣ ಘೋಷಿಸಿದ್ದಾರೆ.
ಲವ್ ಮಾಕ್ಟೇಲ್ 3’ ಚಿತ್ರವನ್ನು ಡಾರ್ಲಿಂಗ್ ಕೃಷ್ಣ ಈ ಮೊದಲೇ ಘೋಷಣೆ ಮಾಡಿದ್ದರು. ಆದರೆ ಚಿತ್ರ ಇನ್ನೂ ಸೆಟ್ಟೇರಿಲ್ಲ. ಮುಂದಿನ ತಿಂಗಳಿಂದ ಸಿನಿಮಾದ ಶೂಟ್ ಆರಂಭವಾಗಲಿದೆ, ಈಗ ಚಿತ್ರತಂಡದವರು 5ರಿಂದ 8 ವರ್ಷದ ಮಗುವಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ. ಅದು ಸಿಕ್ಕ ಬಳಿಕ ಶೂಟಿಂಗ್ ಆರಂಭ ಆಗಲಿದೆ.
‘ನಾನು ಈ ಮೊದಲು ಒಂದು ಕಥೆ ಬರೆದಿದ್ದೆ. ಅದು ತೃಪ್ತಿ ಕೊಡಲಿಲ್ಲ. ಕಳೆದ ತಿಂಗಳು ಬೇರೆ ಐಡಿಯಾ ಹೊಳೆಯಿತು. ಅದನ್ನು ಅಭಿವೃದ್ಧಿ ಮಾಡಿದೆ. ಕಥೆ ನಮಗೆ ಮೊದಲು ಎಗ್ಸೈಟ್ ನೀಡಬೇಕು. ಮೊದಲ ಸಿನಿಮಾ ಮಾಡೋದು ಸುಲಭ. ಆದರೆ ಅದಕ್ಕೆ ಸೀಕ್ವೆಲ್ಗಳನ್ನು ಮಾಡೋದು ತುಂಬಾ ಕಷ್ಟ. ಈ ರೀತಿಯ ಭಾವನಾತ್ಮಕ ಸಿನಿಮಾಗಳಲ್ಲಿ ಸೀಕ್ವೆಲ್ ಕಷ್ಟ’ ಎಂದು ಕೃಷ್ಣ ಅವರು ಹೇಳಿದ್ದಾರೆ.
‘ಎರಡನೇ ಪಾರ್ಟ್ನಿಂದ ಕಂಟ್ಯುನಿಟಿ ಇರಲಿದೆ. ಮಿಲನಾ ಇರ್ತಾರಾ ಇರಲ್ವಾ? ಹೊಸ ಪಾತ್ರಗಳು ಯಾವುದೆಲ್ಲ ಬರುತ್ತೆ ಅನ್ನೋ ಕುತೂಹಲ ಇರಲಿ’ ಎನ್ನುತ್ತಾರೆ ಕೃಷ್ಣ.
2020ರಲ್ಲಿ ರಿಲೀಸ್ ಆದ ‘ಲವ್ ಮಾಕ್ಟೇಲ್’ ಸಿನಿಮಾ ಸೂಪರ್ ಹಿಟ್ ಆಯಿತು. ಈ ಸಿನಿಮಾಗೆ ಸೀಕ್ವೆಲ್ ಕೂಡ ಮಾಡಲಾಯಿತು. ಅದು ದೊಡ್ಡ ಯಶಸ್ಸು ಕಂಡಿತು. ಈಗ ಚಿತ್ರದ ಮೂರನೇ ಸೀಕ್ವೆಲ್ ಬರುತ್ತಿದೆ.
Be the first to comment