ಕೆಡಿ ಟ್ರೇಲರ್ ಡಿಲೀಟ್!

ಚಿತ್ರ ಬಿಡುಗಡೆಗೆ ಕೆಲವೇ ಕೆಲವು ದಿನಗಳು ಇರುವಾಗ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ನಟನೆಯ ಕೆಡಿ ಚಿತ್ರದ ಟ್ರೈಲರ್ ಡಿಲೀಟ್ ಆಗಿದೆ.

ಚಿತ್ರದ ಟ್ರೇಲರ್ ಇತ್ತೀಚೆಗೆ ಬಿಡುಗಡೆಯಾಗಿತ್ತು. ಈಗ ಯೂಟ್ಯೂಬ್‌ನಿಂದ ಟ್ರೈಲರ್ ಕಾಣೆಯಾಗಿರುವುದು ಚರ್ಚೆಗೆ ಕಾರಣವಾಗಿದೆ.

ಈ ಕುರಿತು ನಿರ್ಮಾಣ ಸಂಸ್ಥೆಯಾದ ಕೆವಿಎನ್‌ ಪ್ರೊಡಕ್ಷನ್‌ ಸ್ಪಷ್ಟನೆ ನೀಡಿದೆ. ಟ್ರೇಲರ್‌ನಲ್ಲಿ ಸೆನ್ಸಾರ್ ಆಗದ ಅಂಶಗಳು ಸೇರಿಕೊಂಡಿದ್ದರಿಂದ ಅದನ್ನು ತೆಗೆದುಹಾಕಲಾಗಿದೆ. ಸೆನ್ಸಾರ್ ಮಾರ್ಗಸೂಚಿಗಳಿಗೆ ಅನುಗುಣವಾಗಿ ಪರಿಷ್ಕೃತ ಆವೃತ್ತಿಯನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡುವುದಾಗಿ ಹೇಳಿದೆ.

ಕೆಡಿ ಚಿತ್ರ ಈಗಾಗಲೇ ಹಲವು ತೊಂದರೆ ಎದುರಿಸಿದೆ. ‘ಸರ್ಸೆ ನಿನ್ನ ಸೆರಗ..’ ಹಾಡಿಗೆ ವಿರೋಧ ವ್ಯಕ್ತವಾದ ಹಿನ್ನೆಲೆಯಲ್ಲಿ ಅದನ್ನು ಡಿಲೀಟ್ ಮಾಡಲಾಯಿತು. ನಿರ್ದೇಶಕ ಪ್ರೇಮ್ ಕೂಡ ಸೆನ್ಸಾರ್ ಸಮಸ್ಯೆಗಳ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದರು.

ಈ ಚಿತ್ರದಲ್ಲಿ ರೀಷ್ಮಾ ನಾಣಯ್ಯ, ರಮೇಶ್ ಅರವಿಂದ್, ಸಂಜಯ್ ದತ್, ಶಿಲ್ಪಾ ಶೆಟ್ಟಿ, ರವಿಚಂದ್ರನ್ ಮತ್ತು ಪಿ. ರವಿಶಂಕರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಟ್ರೇಲರ್ ಡಿಲೀಟ್ ಆಗಿರುವ ಕಾರಣ ಚಿತ್ರದ ಬಿಡುಗಡೆ ದಿನಾಂಕದ ಮೇಲೆ ಸಂದೇಹ ಮೂಡಿದೆ. ಏಪ್ರಿಲ್ 30ರಂದು ಚಿತ್ರದ ಬಿಡುಗಡೆ ಘೋಷಣೆ ಮಾಡಲಾಗಿದೆ.