ದುನಿಯಾ ಖ್ಯಾತಿಯ ರಶ್ಮಿ ನಟನೆಯ ‘ಕಾರ್ನಿ’ ಚಿತ್ರ ಇದೇ ಶುಕ್ರವಾರ ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ ಎಂದು ಚಿತ್ರದ ನಿರ್ಮಾಪಕ ಗೋವಿಂದರಾಜು ಹೇಳಿದರು.ಹುಬ್ಬಳ್ಳಿ ನಗರದ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕಾರ್ನಿ ಚಿತ್ರ ಗೋಕುಲ್ ಎಂಟರ್ಟೈನಮೆಂಟ್ ಹಾಗೂ ವಿವಿ ಸ್ಟುಡಿಯೋ ಬ್ಯಾನರ್ನಡಿ ನಿರ್ಮಾಣಗೊಂಡಿದೆ. ಇದು ಸಸ್ಪೆನ್ಸ್ ಥ್ರಿಲ್ಲರ್ ಕಥಾಹಂದರ ಹೊಂದಿರುವ ಚಿತ್ರ. ಕಾರ್ನಿ ಎಂಬುದು ದುರ್ಗಾದೇವಿಯ ಅಸ್ತ್ರವಾಗಿದೆ. ಈ ಅಸ್ತ್ರವನ್ನು ಯಾರ ಸಂಹಾರಕ್ಕಾಗಿ ಬಳಸುತ್ತಾರೆ ಎಂಬುದೇ ಚಿತ್ರದ ಸಸ್ಪೆನ್ಸ್ ಎಂದರು.
ಕಾರಣಾಂತರಗಳಿಂದ ಸಿನಿಮಾ ಮಾಡದೇ ಇದ್ರು, ಒಳ್ಳೆ ಕಥೆಯ ಅನ್ವೇಷಣೆಯಲ್ಲಿದ್ದೆ. ಒಳ್ಳೆ ಕಥೆ ಸಿಕ್ಕಿದ್ದರಿಂದ ಕಾರ್ನಿ ಸಿನಿಮಾ ಮೂಲಕ ಜನರನ್ನು ಮತ್ತೆ ತಲುಪಲಿದ್ದೇನೆ ಎಂದರು.
ಈ ಚಿತ್ರಕ್ಕೆ ವಿನೋದ ಕುಮಾರ್(ವಿನಿ) ಆಕ್ಷನ್ ಕಟ್ ಹೇಳಿದ್ದು, ಚಿತ್ರಕಥೆ ಕೂಡ ಬರೆದಿದ್ದಾರೆ.
ಪತ್ರಿಕಾಗೋಷ್ಠಿಯಲ್ಲಿ ನಟ ನಿರಂತರ್, ಇತರರು ಇದ್ದರು.
Be the first to comment