ಟಾಲಿವುಡ್ನಲ್ಲಿ ಟಾಕ್ ಶುರು ಮಾಡಿರುವ ‘ಭೈರವ ಗೀತಾ’ ಪಕ್ಕಾ ಆ್ಯಕ್ಷನ್ ಥ್ರಿಲ್ಲರ್ ಸ್ಟೋರಿ ಎನ್ನುವುದು ಟ್ರೈಲರ್ ನೋಡಿದ್ರೆ ಗೊತ್ತಾಗುತ್ತೆ. ಎಲ್ಲ ಚಿತ್ರಗಳಂತೆ ಇದರಲ್ಲೂ ಕೂಡ ಮಚ್ಚು ದೊಣ್ಣೆ ಹಿಡಿದು ಬಡಿದಾಡುವ ದೃಶ್ಯಗಳು ರಾರಾಜಿಸುತ್ತಿವೆ. ಇವುಗಳ ಮಧ್ಯೆಯೇ ಒಂದು ಸುಂದರವಾದ ಲವ್ ಸ್ಟೋರಿ ಬೆರೆತಿರುವುದು ಟ್ರೈಲರ್ನಲ್ಲಿ ಸ್ಪಷ್ಟವಾಗಿ ಕಾಣಿಸುತ್ತದೆ. ಟ್ರೈಲರ್ನ ಕೊನೆಯಲ್ಲಿರುವ ಕಿಸ್ ಸೀನ್ವೊಂದು ಚಿತ್ರದ ಮೇಲಿನ ನಿರೀಕ್ಷೆ ಹೆಚ್ಚಿಸುತ್ತಿದೆ.
ಇನ್ನು ಭೈರವ ಗೀತಾ ಚಿತ್ರ ಕನ್ನಡ ಹಾಗೂ ತೆಲುಗು ಭಾಷೆಯಲ್ಲಿ ಬಿಡುಗಡೆಯಾಗಲಿದೆ. ಸಿದ್ಧಾರ್ಥ ನಿರ್ದೇಶನದ ಈ ಚಿತ್ರವನ್ನು ರಾಮ್ ಗೋಪಾಲ ವರ್ಮಾ ನಿರ್ಮಾಣ ಮಾಡುತ್ತಿದ್ದಾರೆ. ಸ್ಯಾಂಡಲ್ವುಡ್ ನಟ ಧನಂಜಯ್ ಹಾಗೂ ಇರಾ ನಾಯಕ ನಾಯಕಿಯಾಗಿ ನಟಿಸಿದ್ದಾರೆ.
Pingback: CI/CD