ಸೌಂದರ್ಯಾ ಶೆಟ್ಟಿ ಮೇಲೆ ಯಶಸ್‌ಗೆ ಲವ್?

ಬಿಗ್ ಬಾಸ್ ಕನ್ನಡ ಸೀಸನ್ 13ರ ಸ್ಪರ್ಧಿ ನಟ ಯಶಸ್ ಮತ್ತು ಸೌಂದರ್ಯಾ ಶೆಟ್ಟಿ ನಡುವಿನ ಆಪ್ತ ಮಾತುಕತೆ ಹೊಸ ಚರ್ಚೆಗೆ ಕಾರಣವಾಗಿದೆ.

ಬಿಗ್ ಬಾಸ್ ಮನೆಯ ಇತ್ತೀಚಿನ ಸಂಚಿಕೆಯಲ್ಲಿ ಯಶಸ್ ಮತ್ತು ಸೌಂದರ್ಯಾ ಶೆಟ್ಟಿ ಆತ್ಮೀಯವಾಗಿ ಮಾತನಾಡುತ್ತಿರುವ ದೃಶ್ಯ ಪ್ರಸಾರವಾಗಿದೆ. ಸೌಂದರ್ಯಾ ಅವರ ಸೌಂದರ್ಯವನ್ನು ಕಥೆಯ ಮೂಲಕ ವರ್ಣಿಸಿರುವ ಯಶಸ್, ತಮ್ಮ ಮನದ ಭಾವನೆಗಳನ್ನು  ಭಿನ್ನ ರೀತಿಯಲ್ಲಿ ವ್ಯಕ್ತಪಡಿಸಿದ್ದಾರೆ. ಸೌಂದರ್ಯಾ ಅವರನ್ನು ಕಥೆಯ ಮೂಲಕ ಹೊಗಳಿರುವ ಯಶಸ್ ಅವರ ಮಾತುಗಳು ಕೇವಲ ಸ್ನೇಹದ ಅಭಿವ್ಯಕ್ತಿಯೇ ಅಥವಾ ಅದರ ಹಿಂದೆ ವಿಶೇಷ ಭಾವನೆಗಳಿವೆಯೇ ಎಂಬ ಚರ್ಚೆ ನಡೆಯುತ್ತಿದೆ.

ಬಿಗ್ ಬಾಸ್  ಸಂಚಿಕೆಯಲ್ಲಿ  ಯಶಸ್ ತಮ್ಮ ಅಜ್ಜಿ ಹೇಳುತ್ತಿದ್ದ ಕಥೆಯೊಂದನ್ನು ನೆನಪಿಸಿಕೊಂಡಿದ್ದಾರೆ. ‘ಮಂಗಳೂರು ಎಂಬ ರಾಜ್ಯದಲ್ಲಿ ರಾಜಕುಮಾರಿಯೊಬ್ಬಳು ಇದ್ದಳು. ಆಕೆಯ ಸೌಂದರ್ಯವನ್ನು ಕಂಡರೆ ಚಂದ್ರನೂ ನಾಚುವಂತಿತ್ತು. ಬಾಲ್ಯದಲ್ಲಿ ಅಜ್ಜಿ ಹೇಳುತ್ತಿದ್ದ ಈ ಕಥೆಯನ್ನು ತಾವು ನಂಬುತ್ತಿರಲಿಲ್ಲ. ಆದರೆ ಬಿಗ್ ಬಾಸ್ ಮನೆಗೆ ಬಂದ ನಂತರ ಆ ಕಥೆಯಲ್ಲಿದ್ದ ಸುಂದರ ರಾಜಕುಮಾರಿ ನಿಜವಾಗಿಯೂ ಇದ್ದಾಳೆ ಎಂಬ ಭಾವನೆ ಮೂಡಿದೆ’ ಎಂದು ಹೇಳಿದ್ದಾರೆ.

‘ಬಿಗ್ ಬಾಸ್ ಮನೆಗೆ ಬಂದ ಬಳಿಕ ಬಾಲ್ಯದಲ್ಲಿ ಕೇಳಿದ್ದ ಕಥೆಯ ಅರ್ಥ ತಿಳಿಯಿತು. ಆ ಕಥೆಗೆ ಉತ್ತರವಾಗಿ ನೀವು ಸಿಕ್ಕಿದ್ದೀರಿ’ ಎಂದು ಸೌಂದರ್ಯಾ ಅವರನ್ನು ಹೊಗಳಿದ್ದಾರೆ. ಬಳಿಕ ಸೌಂದರ್ಯಾ ಅವರಿಗೆ ಧನ್ಯವಾದ ಹೇಳುವ ಮೂಲಕ ತಮ್ಮ ಮಾತನ್ನು ಮುಗಿಸಿದ್ದಾರೆ.

ಯಶಸ್ ಮತ್ತು ಸೌಂದರ್ಯಾ ಶೆಟ್ಟಿ ನಡುವಿನ ಸಂಭಾಷಣೆ  ವೀಕ್ಷಕರ ಕುತೂಹಲ ಹೆಚ್ಚಿಸಿದೆ. ಮುಂದಿನ ದಿನಗಳಲ್ಲಿ ಇಬ್ಬರ ಸ್ನೇಹ ಯಾವ ರೀತಿಯಲ್ಲಿ ಮುಂದುವರಿಯಲಿದೆ ಎಂಬ ಚರ್ಚೆ ನಡೆಯುತ್ತಿದೆ.

—-

Be the first to comment

Leave a Reply

Your email address will not be published. Required fields are marked *

Translate »
error: Content is protected !!