AI ಆಧಾರಿತ ‘ಲವ್‌ ಯು’ ಶೀಘ್ರ ಬಿಡುಗಡೆ

ವಿಶ್ವದ ಮೊದಲ ಸಂಪೂರ್ಣ  ಕೃತಕ ಬುದ್ಧಿಮತ್ತೆ (AI) ಆಧಾರಿತ ಕನ್ನಡ ಸಿನಿಮಾ ‘ಲವ್‌ ಯು’  ಜಾಗತಿಕ ಥಿಯೇಟ್ರಿಕಲ್ ಬಿಡುಗಡೆಗೆ ಸಜ್ಜಾಗುತ್ತಿದೆ.

ಶೀಘ್ರದಲ್ಲೇ ಅಧಿಕೃತವಾಗಿ ಚಿತ್ರದ ಬಿಡುಗಡೆ ದಿನಾಂಕವನ್ನು ಘೋಷಿಸಲಾಗುವುದು ಎಂದು ನಿರ್ದೇಶಕ ನರಸಿಂಹಮೂರ್ತಿ  ತಿಳಿಸಿದ್ದಾರೆ. ಕನ್ನಡ ಚಿತ್ರರಂಗ  LOVE YOU ಮೂಲಕ ಜಾಗತಿಕ ಚಲನಚಿತ್ರೋದ್ಯಮದಲ್ಲಿ ಕೃತಕ ಬುದ್ಧಿಮತ್ತೆ  ಕ್ರಾಂತಿ ಮಾಡಲು ಸಜ್ಜಾಗಿದೆ.

ಎಸ್ ನರಸಿಂಹಮೂರ್ತಿ ಈ ಚಿತ್ರವನ್ನು ನಿರ್ದೇಶಿಸಿ, ನಿರ್ಮಿಸಿದ್ದಾರೆ. ಅವರು ಹೇಳಿದಂತೆ,  ನಿರ್ದೇಶಕ, ನಿರ್ಮಾಪಕ, AI ಇನ್‌ಸ್ಟ್ರಕ್ಟರ್ ಹಾಗೂ ಪಿಆರ್‌ಓ ಬಿಟ್ಟು ಬೇರೆ ಯಾರೂ ನಿಜವಾದ ವ್ಯಕ್ತಿಗಳು ಈ ಚಿತ್ರಕ್ಕೆ ಕೆಲಸ ಮಾಡಿಲ್ಲ.  ಸಂಗೀತ, ಹಾಡುಗಳು, ಲೋಕೇಶನ್ಸ್ ಕೂಡ AIನಲ್ಲೇ ಮಾಡಲಾಗಿದೆ. 95 ನಿಮಿಷಗಳ ಈ ಸಿನಿಮಾ ಸೆನ್ಸಾರ್ ಮುಗಿಸಿ  ಬಿಡುಗಡೆಗೆ ಸಜ್ಜಾಗಿದೆ.

‘ಲವ್‌ ಯು’ ಚಿತ್ರದಲ್ಲಿ ಒಟ್ಟು 12 ಹಾಡುಗಳಿವೆ.   ಹಾಡುಗಳನ್ನು  AIನಲ್ಲೇ ಕಂಪೋಸ್ ಮಾಡಿ ರೆಕಾರ್ಡಿಂಗ್ ಮಾಡಿದ್ದಾರೆ. ಇದು  ಒಂದು ಕ್ರಾಂತಿ ಆಗಲಿದೆ ಎಂದು ಚಿತ್ರತಂಡ ವಿಶ್ವಾಸ ವ್ಯಕ್ತಪಡಿಸಿದೆ.

“ಚಿತ್ರದ ಪ್ರತಿಯೊಂದು ಫ್ರೇಮ್, ಹಾಡು, ಸಂಭಾಷಣೆ, ಪಾತ್ರದ ಅನಿಮೇಷನ್, ಕ್ಯಾಮೆರಾ ಚಲನೆಯನ್ನು ಸಂಪೂರ್ಣವಾಗಿ ಕೃತಕ ಬುದ್ಧಿಮತ್ತೆಯಿಂದ ನಿರ್ಮಿಸಲಾಗಿದೆ. ಕೋಡ್ ಮತ್ತು ಸೃಜನಶೀಲತೆಯ ಹಿಂದೆ AI ಎಂಜಿನಿಯರ್ ನೂತನ್ ಇದ್ದಾರೆ. ಸುಂದರ್ ರಾಜ್ ಗುಂಡೂರಾವ್  ಪ್ರಾಜೆಕ್ಟ್‌ನ ನೇತೃತ್ವ ವಹಿಸಿದ್ದಾರೆ. ಇಡೀ ತಂಡ ಕ್ರಿಯೇಟಿವ್ ಆಗಿ ಕೆಲಸ ಮಾಡಿದೆ” ಎಂದು  ನಿರ್ದೇಶಕ ನರಸಿಂಹಮೂರ್ತಿ ಹೇಳಿದ್ದಾರೆ.

ಲವ್ ಯು ಚಿತ್ರ CBFC ಪ್ರಮಾಣಪತ್ರ (U/A) ಪಡೆದ ಮೊದಲ AI ಚಿತ್ರವಾಗಿದೆ. ಅಧಿಕೃತವಾಗಿ ಇದು ಥಿಯೇಟ್ರಿಕಲ್ ಬಿಡುಗಡೆಗೆ ಅರ್ಹತೆ ಪಡೆದಿದೆ.

—-