Movie Review: ಸೂರಿ ಸಂಧ್ಯಾಳ ಟ್ರಾಜೆಡಿ ಲವ್ ಸ್ಟೋರಿ

ಚಿತ್ರ: ಸೂರಿ ಲವ್ಸ್ ಸಂಧ್ಯಾ
ನಿರ್ದೇಶನ: ಯಾದವ್ ರಾಜ್
ತಾರಾ ಬಳಗ: ಅಭಿಮನ್ಯು ಕಾಶಿನಾಥ್, ಅಪೂರ್ವ, ಪ್ರತಾಪ್ ನಾರಾಯಣ್ ಇತರರು
ರೇಟಿಂಗ್: 3.5

ಕನ್ನಡದಲ್ಲಿ ಸಾಕಷ್ಟು ಪ್ರೇಮ ಕಥೆಗಳು ಬಂದು ಹೋಗಿವೆ. ಆದರೆ ಪ್ರೇಕ್ಷಕರನ್ನು ಕಾಡುವ ಪ್ರೇಮ ಕಥೆಗಳು ಬಹಳ ಕಡಿಮೆ. ಕಾಡುವ ಪ್ರೇಮ ಕಥೆಯ ಸಾಲಿಗೆ ಈ ವಾರ ಬಿಡುಗಡೆ ಆಗಿರುವ ಸೂರಿ ಲವ್ಸ್ ಸಂಧ್ಯಾ ಚಿತ್ರ ಸೇರಿಕೊಂಡಿದೆ.

ಪ್ರೀತಿಯಲ್ಲಿ ತೇಲಾಡುವ ಜೋಡಿ ಹಕ್ಕಿಗಳ ಬದುಕಿನಲ್ಲಿ ಅನಿರೀಕ್ಷಿತ ಘಟನೆಗಳು ನಡೆಯುತ್ತವೆ. ಇವರಿಬ್ಬರ ಬದುಕಿನ ಕನಸು ಸಾಕಾರ ಕೊಳ್ಳುತ್ತದೆ ಎನ್ನುವ ಹೊತ್ತಿಗೆ ನಡೆಯುವ ದುರ್ಘಟನೆ ಪ್ರೇಕ್ಷಕರನ್ನು ದುಃಖಕ್ಕೆ ದೂಡುತ್ತದೆ. ಟ್ರಾಜೆಡಿ ಕಥೆಯಾಗಿ ಕಾಡುವ ಸೂರಿ ಲವ್ಸ್ ಸಂಧ್ಯಾ ಚಿತ್ರದ ಕಥೆ ತಿಳಿಯಲು ಸಿನಿಮಾ ಮಂದಿರಕ್ಕೆ ಹೋಗಿ ಚಿತ್ರವನ್ನು ನೋಡಬೇಕಿದೆ.

ಈ ಚಿತ್ರದಲ್ಲಿ ನಿರ್ದೇಶಕರು ಕಥೆಯನ್ನು ಸಿನಿಮಾದ ಜೀವಾಳ ಆಗಿ ಬಳಸಿಕೊಂಡಿದ್ದಾರೆ. ಸರಳ ಕಥೆಯನ್ನು ವಿರಳವಾಗಿ ತೋರಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಇದರಿಂದ ಸಿನಿಮಾ ಪ್ರೇಕ್ಷಕರನ್ನು ಕಾಡುತ್ತದೆ.

ಚಿತ್ರದಲ್ಲಿ ನಾಯಕ ನಟ ಅಭಿಮನ್ಯು ಕಾಶೀನಾಥ್ ಹಾಗೂ ನಾಯಕಿ ಅಪೂರ್ವ ಪೂರ್ತಿಯಾಗಿ ಆವರಿಸಿಕೊಂಡಿದ್ದಾರೆ. ಕ್ಲೈಮಾಕ್ಸ್ ನಲ್ಲಿ ಇವರಿಬ್ಬರ ನಟನೆ ಎದ್ದು ಕಾಣುತ್ತದೆ. ಖಳ ನಾಯಕನಾಗಿ ನಟಿಸಿರುವ ಪ್ರತಾಪ್ ನಾರಾಯಣ್ ಗಮನ ಸೆಳೆಯುತ್ತಾರೆ.

ಶ್ರೀನಿವಾಸ್ ಅವರ ಛಾಯಾಗ್ರಹಣ ಚಿತ್ರದ ಹೈಲೈಟ್ಸ್ ಆಗಿದೆ. ಕಾಶಿಯ ದೃಶ್ಯಗಳನ್ನು ಅವರು ಸುಂದರವಾಗಿ ಸೆರೆಹಿಡಿದಿದ್ದಾರೆ. ಕಾಡುವ ಪ್ರೇಮ ಕಥೆಯಾಗಿ ಸೂರಿ ಲವ್ಸ್ ಸಂಧ್ಯಾ ಪ್ರೇಕ್ಷಕರ ಗಮನ ಸೆಳೆಯುತ್ತದೆ.