“ರತ್ನಮಂಜರಿ”ಯ ಫಸ್ಟ್ ಲುಕ್ ಬೊಂಬಾಟ್

ಅಮೆರಿಕದಲ್ಲಿ  ಧ್ವನಿಸುರುಳಿ ಬಿಡುಗಡೆ.

“ರತ್ನಮಂಜರಿ  ಚಿತ್ರದ ಚಿತ್ರೀಕರಣ ಅದ್ಧೂರಿಯಾಗಿ ನಡೆಯುತ್ತದೆ.  ಕನ್ನಡಿಗರು ನಿರ್ಮಿಸುತ್ತಿರುವ ರೊಮ್ಯಾಂಟಿಕ್ , ಥ್ರಿಲ್ಲರ್, ಆಕ್ಷನ್ ಹಾಗೂ ಲವ್ ಟ್ರ್ಯಾಕ್ ಹೊಂದಿರುವಂತ “ರತ್ನಮಂಜರಿ” ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ಎಲ್ಲರ ಗಮನ ಸೆಳೆದಿದೆ. ಶರಾವತಿ ಫಿಲಂಸ್ ಮತ್ತು ಎಸ್.ಎನ್.ಎಸ್. ಸಿನೆಮಾಸ್ ಬ್ಯಾನರ್ ಅಡಿಯಲ್ಲಿ ನಟರಾಜ್ ಹಳೇಬೀಡು ಹಾಗೂ ಎಸ್.ಸಂದೀಪ್ ಕುಮಾರ್ ನಿರ್ಮಾಣದಲ್ಲಿ ಸಿದ್ಧವಾಗುತ್ತಿರುವ ಈ ಚಿತ್ರವನ್ನು ಪ್ರಸಿದ್ದ್ ನಿರ್ದೇಶನ ಮಾಡುತ್ತಿದ್ದಾರೆ.ಅಮೇರಿಕಾದಲ್ಲಿ ನೆಲೆಸಿರುವ ಭಾರತೀಯ ಕುಟುಂಬದಲ್ಲಿ ನಡೆದಂಥ ನೈಜ ಘಟನೆಯ ಆಧಾರಿತ ಈ ಸಸ್ಪೆನ್ಸ್ ಚಿತ್ರದಲ್ಲಿ ಯುವ ಪ್ರತಿಭೆಗಳಾದ ರೈಸಿಂಗ್ ಸ್ಟಾರ್ ರಾಜ್ ಚರಣ್, ಮತ್ತು ಸ್ಮೈಲಿಂಗ್ ಕ್ವೀನ್ ಅಖಿಲಾ ಪ್ರಕಾಶ್ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ. ಓ.ಖ.I ಮೂಲದ ಈ ನಿರ್ಮಾಪಕರು ಪೂರ್ವ ತಯಾರಿಯನ್ನು ಮಾಡಿಕೊಂಡು ಚಿತ್ರವನ್ನು ಮಾಡಲು ಮುಂದಾಗಿದ್ದಾರೆ.

ಬೆಂಗಳೂರು, ಮಡಿಕೇರಿ ಸುಂದರ ಸ್ಥಳಗಳಲ್ಲಿ ಸುಮಾರು 25 ದಿನಗಳ ಕಾಲ ಚಿತ್ರೀಕರಣ ಮಾಡಿದ್ದು , 2ನೇ ಹಂತದ ಚಿತ್ರಕರಣವನ್ನು ಅಮೆರಿಕದಲ್ಲಿ ಇಪ್ಪತ್ತು ದಿನಗಳು ನಡೆಯಲಿದೆಯಂತೆ. ಹಾಗೆಯೇ ಈ ಚಿತ್ರದ ಧ್ವನಿಸುರುಳಿ ಬಿಡುಗಡೆ ಸಮಾರಂಭವನ್ನು ಸೆಪ್ಟೆಂಬರ್ 1ರಂದು ಅಮೆರಿಕದಲ್ಲಿ ನಡೆಯುವ ಅಕ್ಕ ಸಮ್ಮೇಳನದಲ್ಲಿ ಅದ್ದೂರಿಯಾಗಿ ನಡೆಸಲು ತೀರ್ಮಾನಿಸಿದ್ದಾರೆ. ವಿಶೇಷ ಎಂದರೆ ನಿರ್ಮಾಪಕರು ನಿರ್ದೇಶಕರು ಎಲ್ಲರೂ ಓ.ಖ.I ಆಗಿರುವುದರಿಂದ ಅಮೇರಿಕದಲ್ಲಿ ಈ ಒಂದು ಕಾರ್ಯಕ್ರಮ ಅದ್ದೂರಿಯಾಗಿ ನಡೆಯಲಿದೆಯಂತೆ.