ಬೆಂಗಳೂರಿನಿಂದ ಮೈಸೂರಿಗೆ `ಒಂಥರ ಬಣ್ಣಗಳು’ ಚಿತ್ರತಂಡದಿಂದ ಬೈಕ್ ರೈಡ್

ಬೆಂಗಳೂರಿನಿಂದ ಮೈಸೂರಿಗೆ `ಒಂಥರ ಬಣ್ಣಗಳು’ ಚಿತ್ರತಂಡದಿಂದ ಬೈಕ್ ರೈಡ್

ಸ್ಕೈ ಫಿಲಂ ಲಾಂಔನದಲ್ಲಿ ಯೋಗೇಶ್ ಬಿ ದೊಡ್ಡಿ ಅವರು ನಿರ್ಮಿಸಿರುವ `ಒಂಥರ ಬಣ್ಣಗಳು` ಚಿತ್ರವನ್ನು ವೀಕ್ಷಿಸಿದ ಪ್ರಾದೇಶಿಕ ಸೆನ್ಸಾರ್ ಮಂಡಳಿ ಯು ಅರ್ಹತಾಪತ್ರವನ್ನು ನೀಡಿದೆ. ಚಿತ್ರ ಸದ್ಯದಲ್ಲೇ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಚಿತ್ರದ ಪ್ರಚಾರದ ಸಲುವಾಗಿ ಇತ್ತೀಚೆಗೆ ಕಿರಣ್ ಶ್ರೀನಿವಾಸ್, ಹಿತಾ ಚಂದ್ರಶೇಖರ್, ಸೋನು ಗೌಡ, ಪ್ರತಾಪ್ ನಾರಾಯಣ್, ಪ್ರವೀಣ್ ಜೈನ್, ನಿರ್ದೇಶಕ ಸುನೀಲ್ ಭೀಮರಾವ್ ಹಾಗೂ ಛಾಯಾಗ್ರಾಹಕ ಮನೋಹರ್ ಜೋಶಿ ಸೇರಿದಂತೆ ಸುಮಾರು 70 ಜನರ ತಂಡ ಬೆಂಗಳೂರಿನಿಂದ ಮೈಸೂರಿನ ಚಾಮುಂಡಿ ಬೆಟ್ಟದವರೆಗೂ ಬೈಕ್ ರೈಡ್ ನಡೆಸಿದೆ. ಮಾರ್ಗ ಮಧ್ಯದಲ್ಲಿ ಸಿಗುವ ರಾಮನಗರ ಸೇರಿದಂತೆ ಎಲ್ಲಾ ಊರುಗಳಲ್ಲೂ ಚಿತ್ರತಂಡ ಚಿತ್ರರಸಿಕರಿಗೆ ತಮ್ಮ ಸಿನಿಮಾ ಕುರಿತು ಮಾಹಿತಿ ನೀಡಿದಲ್ಲದೆ ಚಿತ್ರದ ಹಾಡುಗಳ ಸೀಡಿ ಹಾಗೂ ಶೀರ್ಷಿಕೆಯಿರುವ ಟೀಶರ್ಟ್‍ಗಳನ್ನು ವಿತರಣೆ ಮಾಡಿದ್ದಾರೆ. 
ಸುನೀಲ್ ಭೀಮರಾವ್ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ಮನೋಹರ್ ಜೋಶಿ ಅವರ ಛಾಯಾಗ್ರಹಣವಿದೆ. ನಾಲ್ಕು ಹಾಡುಗಳಿರುವ ಈ ಚಿತ್ರಕ್ಕೆ ಭರತ್ ಬಿ ಜೆ ಸಂಗೀತ ಸಂಗೀತ ನೀಡಿದ್ದಾರೆ. ಶ್ರೀಕಾಂತ್ ಸಂಕಲನ ಹಾಗೂ ಮದನ್ ಹರಿಣಿ ಅವರ ನೃತ್ಯ ನಿರ್ದೇಶನವಿರುವ ಈ ಚಿತ್ರದ ತಾರಾಬಳಗದಲ್ಲಿ ಕಿರಣ್ ಶ್ರೀನಿವಾಸ್, ಹಿತಾ ಚಂದ್ರಶೇಖರ್, ಸೋನು ಗೌಡ, ಪ್ರತಾಪ್ ನಾರಾಯಣ್, ಪ್ರವೀಣ್ ಜೈನ್, ಲೋಹಿತಾಶ್ವ, ಶರತ್ ಲೋಹಿತಾಶ್ವ, ದತ್ತಣ್ಣ, ಸಾಧುಕೋಕಿಲ, ಟೆನ್ನಿಸ್ ಕೃಷ್ಣ, ಸುಚೀಂದ್ರಪ್ರಸಾದ್, ಆಶಾಲತ, ಸುಂದರ್, ವೀಣಾಸುಂದರ್, ಮಾಲತಿ ಸರ್ ದೇಶಪಾಂಡೆ, ಅರುಣ ಬಾಲರಾಜ್, ಗೋವಿಂದೇ ಗೌಡ, ಕೆಂಪೇಗೌಡ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.