ಮಾರ್ಚ್ 28ಕ್ಕೆ “ಯುವ” ರಿಲೀಸ್

ಯುವ ರಾಜ್‌ಕುಮಾರ್ ಮತ್ತು ಸಪ್ತಮಿ ಗೌಡ ಮುಖ್ಯ ಭೂಮಿಕೆಯ “ಯುವ” ಮಾರ್ಚ್ 28ಕ್ಕೆ ರಿಲೀಸ್ ಆಗಲಿದೆ.

ಹೊಂಬಾಳೆ ಫಿಲಂಸ್ ಬ್ಯಾನರ್ ಅಡಿಯಲ್ಲಿ ವಿಜಯ್ ಕಿರಗಂದೂರು “ಯುವ” ಚಿತ್ರವನ್ನು ನಿರ್ಮಿಸಿದ್ದು, ಸಂತೋಷ್ ಆನಂದರಾಮ್ ಯುವ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಈ ಸಿನಿಮಾ ಕಳೆದ ವರ್ಷ ಡಿಸೆಂಬರ್ 22ರಂದು ತೆರೆ ಕಾಣಬೇಕಿತ್ತು ಆದರೆ ಅದೇ ದಿನ ಹೊಂಬಾಳೆ ಸಂಸ್ಥೆಯ “ಸಲಾರ್” ಬಿಡುಗಡೆಗೆ ಸಿದ್ದವಾಗಿದ್ದರಿಂದ “ಯುವ” ಚಿತ್ರದ ಬಿಡುಗಡೆಯನ್ನು ಮುಂದೂಡಲಾಯಿತು.

 “ಯುವ” ಕುರಿತು ಯುವರಾಜಕುಮಾರ್ ಅಪಡೇಟ್ ನೀಡಿದ್ದು , “ಯುವ” ಸಿನಿಮಾ ಮಾರ್ಚ್ 28 ರಂದು ರಿಲೀಸ್ ಆಗಲಿದೆ ಎಂದು ತಿಳಿಸಿದ್ದಾರೆ. ಈಗಾಗಲೇ ಸಿನಿಮಾ ಟೀಸರ್ ರಿಲೀಸ್ ಆಗಿದ್ದು, ಸದ್ದು ಮಾಡಿದೆ.

ರಾಘವೇಂದ್ರ ರಾಜ್‌ಕುಮಾರ್ ಅವರ ಎರಡನೇ ಮಗ ಯುವ ರಾಜ್‌ಕುಮಾರ್  ಅವರ ಚೊಚ್ಚಲ ಸಿನಿಮಾ ‘ಯುವ’ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ.

ಈ ಹಿಂದೆ ಹೊಂಬಾಳೆ ಫಿಲ್ಮ್ಸ್‌ಗಾಗಿ ರಾಜಕುಮಾರ ಮತ್ತು ಯುವರತ್ನ ಸಿನಿಮಾಗಳನ್ನು ಸಂತೋಷ್ ಆನಂದ್‌ರಾಮ್ ನಿರ್ದೇಶಿಸಿದ್ದರು. ಜಗ್ಗೇಶ್ ನಾಯಕತ್ವದ, ಹೊಂಬಾಳೆ ಫಿಲ್ಮ್ಸ್‌ ನಿರ್ಮಾಣದ ‘ರಾಘವೇಂದ್ರ ಸ್ಟೋರ್ಸ್’ ಸಿನಿಮಾಗೂ ಸಂತೋಷ್ ಆನಂದ್‌ರಾಮ್ ನಿರ್ದೇಶಕರು.  ‘ಯುವ’ ಮೂಲಕ ಪವರ್‌ಫುಲ್ ಆಕ್ಷನ್ ಸಿನಿಮಾ ಮಾಡಲು ಸಂತೋಷ್ ಮುಂದಾಗಿದ್ದಾರೆ.

—-