Yours Sincerely ರಾಮ್: ಹನುಮಂತನ ಪಾತ್ರದಲ್ಲಿ ಗಣೇಶ್

‘Yours Sincerely ರಾಮ್’ ಚಿತ್ರತಂಡ ಚಿತ್ರದ ಪೋಸ್ಟರ್  ನ್ನು ಬಿಡುಗಡೆ ಮಾಡಿದ್ದು, ಚಿತ್ರದಲ್ಲಿ ಗಣೇಶ್ ನ್ನು ಹನುಮಂತನ ಅವತಾರದಲ್ಲಿ ತೋರಿಸಲಾಗಿದೆ. 

ಗಣೇಶ್ ಅವರ ಹುಟ್ಟುಹಬ್ಬದ ದಿನ ಚಿತ್ರತಂಡ ಚಿತ್ರದ ಪೋಸ್ಟರ್  ನ್ನು ಬಿಡುಗಡೆ ಮಾಡಿದೆ. ಗಣೇಶ್ ಹನುಮಂತನ ಅವತಾರದಲ್ಲಿ ಸೈಕಲ್‌ನ ಹಿಂದಿನ ಸೀಟಿನಲ್ಲಿ ಕುಳಿತಿರುವುದನ್ನು ತೋರಿಸಲಾಗಿದೆ. ರಾಮ್ ಪಾತ್ರಧಾರಿ ಸೈಕಲ್ ತುಳಿಯುತ್ತಿದ್ದು, ಮುಖವನ್ನು ಮರೆಮಾಡಲಾಗಿದೆ. ಗಣೇಶ್ ಕೈಯಲ್ಲಿ ಪತ್ರವನ್ನು ಹಿಡಿದಿದ್ದಾರೆ.

ಎಆರ್ ವಿಖ್ಯಾತ್ ನಿರ್ದೇಶನದ ‘Yours Sincerely ರಾಮ್’   ಚಿತ್ರದಲ್ಲಿ ರಮೇಶ್ ಅರವಿಂದ್ ಮತ್ತು ಭಾವನಾ ಮೆನನ್  ನಟಿಸಿದ್ದಾರೆ. ರಾಯಲ ಸ್ಟುಡಿಯೋಸ್ ಅಡಿಯಲ್ಲಿ ಸತ್ಯ ರಾಯಲ ಈ ಚಿತ್ರ ನಿರ್ಮಿಸಿದ್ದಾರೆ.

ಈ  ದೃಶ್ಯವು ಚಿತ್ರದಲ್ಲಿ ಬಹಳಷ್ಟು ತೂಕವನ್ನು ಹೊಂದಿದೆ. ಇದು ಪುರಾಣಗಳಿಂದ ಸ್ಫೂರ್ತಿ ಪಡೆಯುತ್ತದೆ.  ಇದು ರಾಮಾಯಣದ ಸ್ಪರ್ಶವನ್ನು ಹೊಂದಿದೆ. ಗಣೇಶ್ ಹನುಮಂತನ ವೇಷಭೂಷಣವನ್ನು ತುಂಬಾ ಇಷ್ಟಪಟ್ಟರು. ಹಿಂದೆಂದೂ ಕಂಡಿರದ ಪಾತ್ರದಲ್ಲಿ ಗಣೇಶ್ ಕಾಣಿಸಿಕೊಂಡಿದ್ದು, ಇದು ನಮಗೆಲ್ಲರಿಗೂ ನಿಜವಾಗಿಯೂ ವಿಶೇಷವಾದ ಚಿತ್ರವಾಗಿ ರೂಪುಗೊಳ್ಳುತ್ತಿದೆ ಎಂದು ವಿಖ್ಯಾತ್ ಹೇಳುತ್ತಾರೆ.

ಚಿತ್ರದ ಪಾತ್ರವರ್ಗವನ್ನು ಇನ್ನೂ ರಹಸ್ಯವಾಗಿಡಲಾಗಿದೆ. ನವೀನ್ ಕುಮಾರ್ ಛಾಯಾಗ್ರಾಹಕ ಮತ್ತು ಜೆ ಅನೂಪ್ ಸೀಳಿನ್ ಸಂಗೀತ ಸಂಯೋಜಕರಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಚಿತ್ರವು ಡಿಸೆಂಬರ್‌ನಲ್ಲಿ ಬಿಡುಗಡೆಯಾಗುವ ಗುರಿಯನ್ನು ಹೊಂದಿದೆ.