ತಮಿಳಿನ ನಿರ್ದೇಶಕನ ಜೊತೆ ಯಶ್ ಮುಂದಿನ ಸಿನಿಮಾ

ಯಶ್ ಅವರು ತಮಿಳಿನ ಸ್ಟಾರ್  ನಿರ್ದೇಶಕ  ಮಿತ್ರನ್ ಜೊತೆ ಕೈ ಜೋಡಿಸಿದ್ದಾರೆ ಎಂದು  ಕಾಲಿವುಡ್ ಅಂಗಳದಿಂದ ಸುದ್ದಿ ಹೊರ ಬಿದ್ದಿದೆ.

ಎಸ್​ ಮಿತ್ರನ್ 2022ರಲ್ಲಿ ರಿಲೀಸ್ ಆದ ‘ಸರ್ದಾರ್’ ಸಿನಿಮಾನ ಮಿತ್ರನ್ ನಿರ್ದೇಶನ ಮಾಡಿದ್ದರು. ಈಗ ಈ ಚಿತ್ರದ ಸೀಕ್ವೆಲ್​ನಲ್ಲಿ ಅವರು ಬ್ಯುಸಿ ಆಗಿದ್ದಾರೆ. ಮಿತ್ರನ್ ಸಿನಿಮಾಗೆ ಯಶ್ ಓಕೆ ಎಂದಿದ್ದಾರೆ ಎಂದು ಸುದ್ದಿ ಹೊರ ಬಿದ್ದಿದೆ.

ನಿರ್ದೇಶಕ ಮಿತ್ರನ್ ಪ್ರಸ್ತುತ ಕಾರ್ತಿ ನಾಯಕನಾಗಿ ನಟಿಸುತ್ತಿರುವ ಸರ್ದಾರ್ 2 ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಈ ಚಿತ್ರದ ನಂತರ ಅವರು ಯಶ್ ಜೊತೆ ಹೊಸ ಚಿತ್ರ ಮಾಡುತ್ತಾರೆ ಎಂಬ ಮಾತು ಕಾಲಿವುಡ್ ನಲ್ಲಿ ಕೇಳಿಬರುತ್ತಿದೆ. ಈ ಚಿತ್ರ ಒಂದು ದೊಡ್ಡ ಆಕ್ಷನ್ ಎಂಟರ್‌ಟೈನರ್  ಆಗಿರುತ್ತದೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ಶೀಘ್ರದಲ್ಲೇ ಸ್ಪಷ್ಟತೆ ಬರಲಿದೆ. ಈ ಚಿತ್ರ  ಕನ್ನಡದಲ್ಲೇ ತಯಾರಾಗಲಿದೆ ಎಂದು ಹೇಳಲಾಗುತ್ತಿದೆ.

ಯಶ್ ಹಾಗೂ ಮಿತ್ರನ್ ಸಿನಿಮಾ ಮಾಡುತ್ತಾರೆ ಎನ್ನುವ ಸುದ್ದಿ  2023ರಲ್ಲಿ  ಹುಟ್ಟಿಕೊಂಡು ತಣ್ಣಗಾಗಿತ್ತು. ಯಶ್  ಅವರು ಸದ್ಯ ‘ಟಾಕ್ಸಿಕ್’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಅದೇ ರೀತಿ  ಯಶ್  ‘ರಾಮಾಯಣ’ ಚಿತ್ರದಲ್ಲೂ ತೊಡಗಿಕೊಂಡಿದ್ದಾರೆ.