‘ಯಾರಿಗೆ ಯಾರುಂಟು’ ಸಧ್ಯದಲ್ಲೇ ಬಿಡುಗಡೆ

ಪಯಣ, ಪಾರು ವೈಫ್‍ಆಫ್ ದೇವದಾಸ್ ಚಿತ್ರದ ನಿರ್ದೇಶಕ ಕಿರಣ್‍ಗೋವಿ ಅವರು ನಿರ್ದೇಶಿಸಿರುವ ಯಾರಿಗೇ ಯಾರುಂಟು ಚಿತ್ರದ ಮೂಲಕ ಒರಟ ಪ್ರಶಾಂತ್ ಮತ್ತೆ ರೀ ಎಂಟ್ರಿಯಾಗಿದ್ದಾರೆ. ಫ್ಯಾಮಿಲಿ ಎಂಟರ್‍ಟೇನರ್ ಸಿನಿಮಾವಾಗಿರುವ ಯಾರಿಗೆ ಯಾರುಂಟು ಚಿತ್ರದ ವಿಶೇಷ ಟೀಸರ್ ಅನ್ನು ಮೊನ್ನೆ ನಡೆದ ಸಮಾರಂಭದಲ್ಲಿ ಬಿಡುಗಡೆ ಮಾಡಲಾಯಿತು.ಕಾರ್ಟೂನ್ ರಂಗಣ್ಣ ಎಂಬ ಪಾತ್ರದ ಪರಿಚಯ ಟೀಸರ್‍ನಲ್ಲಿದ್ದು, ಇಡೀ ಚಿತ್ರದ ಕಥೆಯನ್ನು ಬಿಂಬಿಸುತ್ತಾರೆ. ಪಾತ್ರಗಳ ಜೊತೆ ಬೆರೆಯುತ್ತಾ ಹೋಗುತ್ತಾರೆ, ಹೆಚ್.ಸಿ.ರಘುನಾಥ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು ಇವರು ನಿರ್ದೇಶಕ ಕಿರಣ್‍ಗೋವಿಯ ಚಿಕ್ಕಪ್ಪ. ನನ್ನ ತಂದೆಯವರು ಆಸ್ಪತ್ರೆಯಲ್ಲಿರುವಾಗ ನನಗೆ ಈ ಸಿನಿಮಾದ ಟೈಟಲ್ ಸಿಕ್ಕಿತ್ತು. ಏಕೆಂದರೆ ನನಗೆ ಆ ಸಂದರ್ಭದಲ್ಲಿ ನಿಜವಾದ ಸ್ನೇಹಿತರ್ಯಾರು, ಸಂಬಂಧಿಕರ್ಯಾರು ಎಂಬ ನಿಜದ ಅರಿವಾಯಿತು ಎಂದು ಕಿರಣ್ ಗೋವಿ ಹೇಳಿಕೊಂಡರು.ಒರಟದಲ್ಲಿ ಲಾಂಗ್ ನಂತರ ಗುಲಾಬಿ ಹೂ ಹಿಡಿದಿದ್ದ ನಟ ಪ್ರಶಾಂತ್ ಯಾರಿಗೆ ಯಾರುಂಟು ಚಿತ್ರದಲ್ಲಿ ಸ್ಟೆತಸ್ಕೋಪ್ ಹಿಡಿಯುವ ಮೂಲಕ ಡಾಕ್ಟರ್ ಆಗಿದ್ದಾರೆ. ಕೃತಿಕಾ ರವೀಂದ್ರ, ಲೇಖಾ ಚಂದ್ರಾ ಹಾಗೂ ಆದಿತಿ ರಾವ್ ಎಂಬ ಮೂವರು ನಾಯಕಿಯರು ಡ್ಯುಯೆಟ್ ಹಾಡಿದ್ದಾರೆ.

ಈ ಸಿನಿಮಾದಲ್ಲಿ ಆರು ಹಾಡುಗಳಿಗೆ ಬಿ.ಜೆ. ಭರತ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಈ ಚಿತ್ರಕ್ಕೆ ರಾಕೇಶ್ ಸಿ. ತಿಲಕ್ ಅವರ ಕ್ಯಾಮರಾ ಕೈಚಳಕವಿದೆ. ನಿರ್ದೇಶಕ ಕಿರಣ್ ಗೋವಿ ಚಿಕ್ಕಪ್ಪ ಹೆಚ್.ಸಿ. ರಘುನಾಥ್ ಈ ಚಿತ್ರಕ್ಕೆ ಹಣ ಹಾಕಿದ್ದಾರೆ.