ನಟ ವಿಶಾಲ್ ಮದುವೆ!

ತಮಿಳು ನಟ ವಿಶಾಲ್ ಕೃಷ್ಣ ರೆಡ್ಡಿ ಅವರು ಕಬಾಲಿ ಖ್ಯಾತಿಯ ಸಾಯಿ ಧನ್ಸಿಕಾ ಅವರನ್ನು ಮದುವೆಯಾಗಲು ಸಜ್ಜಾಗಿದ್ದಾರೆ ಎಂದು ವರದಿಯಾಗಿದೆ.

47 ವರ್ಷದ ನಟ ವಿಶಾಲ್ ಅವರು ತಮಿಳುನಾಡಿನಲ್ಲಿ ದೂರದರ್ಶನ, ಚಲನಚಿತ್ರ ಮತ್ತು ರಂಗಭೂಮಿ ನಟರ ಸಂಘವಾದ ದಕ್ಷಿಣ ಭಾರತೀಯ ಕಲಾವಿದರ ಸಂಘದ  ಮಾಧ್ಯಮ ಸಂವಾದದಲ್ಲಿ ‘ಮದುವೆಯ ಬಗ್ಗೆ ಚರ್ಚಿಸಿದ್ದೇವೆ ಮತ್ತು ಅದು ಪ್ರೇಮ ವಿವಾಹವಾಗಿರುತ್ತದೆ. ವಧು ಮತ್ತು ಮದುವೆಯ ದಿನಾಂಕದ ಬಗ್ಗೆ ಹೆಚ್ಚಿನ ವಿವರಗಳನ್ನು ಶೀಘ್ರದಲ್ಲೇ ಪ್ರಕಟಿಸುತ್ತೇನೆ’ ಎಂದು ಉತ್ತರಿಸಿದ್ದಾರೆ.

ಸಾಯಿ ಧನ್ಶಿಕಾ ಜೊತೆ ವಿಶಾಲ್ ಅವರ ವಿವಾಹದ ವರದಿಗಳು ನಿಜ ಎಂದು ಅವರ ಆಪ್ತ ಮೂಲಗಳು ದೃಢಪಡಿಸಿವೆ. ಸಾಯಿ ಧನ್ಶಿಕಾ ನಾಯಕಿಯಾಗಿ ನಟಿಸಲಿರುವ  ತಮಿಳು ಚಿತ್ರ ಯೋಗಿಡಾದಲ್ಲಿ ವಿಶಾಲ್ ಮುಖ್ಯ ಅತಿಥಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಅವರ ವಿವಾಹದ ಬಗ್ಗೆ ಅಧಿಕೃತ ಘೋಷಣೆ ಹೊರಬೀಳಬಹುದು ಎಂಬ ಊಹಾಪೋಹಗಳಿವೆ.

ವಿಶಾಲ್ ಅವರು ಸುಂದರ್ ಸಿ ಅವರ ‘ಮಧ ಗಜ ರಾಜ’ ಚಿತ್ರದೊಂದಿಗೆ ಮತ್ತೆ ಚಿತ್ರರಂಗಕ್ಕೆ ಮರಳಿದ್ದರು. ಇತ್ತೀಚೆಗೆ ವಿಲ್ಲುಪುರಂನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮೂರ್ಛೆ ಹೋಗಿ  ಅವರು ಸುದ್ದಿಯಲ್ಲಿದ್ದರು.

—–