ಸದ್ಯಕ್ಕೆ ಶೃತಿ`ಮೀಟೂ’ವುದರಲ್ಲೇ ಬ್ಯೂಸಿಯಾಗಿರುವ ಗಾಂಧಿನಗರದ ಗಲ್ಲಿಯಿಂದ ಹೊಸದೊಂದು ಸುದ್ದಿ ಸದ್ದಿಲ್ಲದೆ ಹೊರ ಬಿದ್ದಿದೆ. ಆ ಸುದ್ದಿ ನಿಜವೂ, ಸುಳ್ಳೋ ಅನ್ನೊದನ್ನು ಆಮೇಲೆ ತಿಳ್ಕೋಳೊಣ. ಆ ಸುದ್ದಿ `ವಿಲನ್-2’ ಚಿತ್ರಕ್ಕೆ ಸಂಬಂಧಿಸಿದ್ದು. `ವಿಲನ್’ ಚಿತ್ರದ ಮೂಲಕ ಪ್ರೇಕ್ಷಕರ ಪಾಲಿಗೆ ಪ್ರೇಮ್ ಭಾಗಶಃ ವಿಲನ್ ಆಗಿದ್ದಾಗಿದೆ. ಮಿಥುನ್ ಚಕ್ರವರ್ತಿಯನ್ನು ಜ್ಯೂನಿಯರ್ ಆರ್ಟಿಸ್ಟ್ ಆಗಿ, ಶಿವರಾಜ್‍ಕುಮಾರ್ ಅವರನ್ನು ಪೋಷಕ ನಟನಾಗಿ ತೆರೆಯಮೇಲೆ ತರಲು ಪ್ರೇಮ್‍ಗೆ ಬಿಟ್ಟು ಇನ್ಯಾರಿಗೆ ಸಾಧ್ಯ ಹೇಳಿ. ಸಿ.ಆರ್.ಮನೋಹರ್ ಎಂಬ ಅಗರ್ಭ ಶ್ರೀಮಂತನ ತಲೆಯೊಳಗೆ ಬಣ್ಣಬಣ್ಣದ ಚಿಟ್ಟೆ ಹಾರಿಸಿ ಕನ್ನಡ ಚಿತ್ರರಂಗದಲ್ಲೇ ಸಂಚಲನ ಉಂಟು ಮಾಡುವಂತಹ ಚಿತ್ರ ಮಾಡಿದ ಹೆಗ್ಗಳಿಕೆಗೆ ಪ್ರೇಮ್ ಪಾತ್ರರಾಗಿದ್ದಾರೆ. 
ಚಿತ್ರದುದ್ದಕ್ಕೂ ಕರೆಕ್ಟ್ ಸ್ಕ್ರೀನ್‍ಪ್ಲೇ ಮಾಡಿಕೊಳ್ಳದ ಕುರಹು ಸಿಗುತ್ತಲೇ ಹೋಗುತ್ತದೆ. ವಿದೇಶದಲ್ಲಿ ಈಟುದ್ದ ಕೂದಲು ಬಿಟ್ಕೊಂಡಿದ್ದ ಸುದೀಪ್, ಅಮ್ಮನ ನೆನಪು ಕಾಡುತ್ತಿದ್ದರೂ ನೀಟಾಗಿ ಹೇರ್‍ಕಟ್ ಮಾಡಿಕೊಂಡು ಇಂಡಿಯಾಗೆ ಬಂದಿದ್ದು ಪ್ರೇಮ್‍ರ ಚಿತ್ರತಪಸ್ಸಿನ ಹೆಗ್ಗುರುತು! ಓಕೆ, ಈಗ ವಿಷ್ಯಕ್ಕೆ ಬರೋಣ. ಇದೇ ಮನೋಹರ್ ಅವರ ನಿರ್ಮಾಣದಲ್ಲಿ `ವಿಲನ್2’ ಬರಲಿದೆಯಂತೆ. ಇಲ್ಲಿ ಚಾಲೆಂಜಿಗ್ ಸ್ಟಾರ್ ದರ್ಶನ್ ಮತ್ತು ಯಶ್ ಸ್ಕ್ರೀನ್‍ಶೇರ್ ಮಾಡಲಿದ್ದಾರಂತೆ. ಚಿತ್ರದಲ್ಲಿ ಭಾರತದ ಅಷ್ಟೂ ಭಾಷೆಯ ಒಬ್ಬೊಬ್ಬ ಸ್ಟಾರಗಳೂ ಇರಲಿದ್ದಾರಂತೆ. ಇದು ಅಂತೆ-ಕಂತೆ ಸುದ್ದಿ ಅನ್ನಿಸಿದರೂ, ಪ್ರೇಮ್ ವಲಯದಿಂದಲೇ ಈ ಒಂದು ಸುದ್ದಿ ಹರಿದಾಡಿದೆ. ಈ ಮೊದಲು `ಮಲ್ಟಿಲ್ಯಾಂಗ್ವೈಜ್-ಮಲ್ಟಿಸ್ಟಾರ್’ ಎಂದು ಕಾನ್ಫಿಡೆಂಟ್ ಆಗಿ ಮಾತಾನಾಡಿದ್ದ ಪ್ರೇಮ್, ಇದ್ದಕ್ಕಿದ್ದಂತೆ `ವಿಲನ್ 2’ ಬಗ್ಗೆ ಯೋಚಿಸಿದ್ಯಾಕೆ? ದರ್ಶನ್-ಯಶ್ ಇಬ್ಬರನ್ನೂ ಒಪ್ಪಿಸುವಲ್ಲಿ ಪ್ರೇಮ್ ಸಫಲರಾದ್ರಾ? ಎಲ್ಲ ಪ್ರಶ್ನೆಗಳಿಗೂ ಸಧ್ಯದಲ್ಲಿ ಉತ್ತರ ಸಿಗಲಿದೆ. ಉತ್ತರ ಸಿಗೋ ಮೋದ್ಲೇ ಪ್ರೇಮ್ ಮತ್ತೆ ರೂಟ್ ಚೇಂಜ್ ಮಾಡ್ತಾರಾ!?
Be the first to comment