ನಾಯಕನಾಗಿ ಎಂಟ್ರಿ ಕೊಟ್ಟ ವಿಜಯ್ ಸೂರ್ಯ

‘ಅಗ್ನಿಸಾಕ್ಷಿ’ ಧಾರವಾಹಿ ಖ್ಯಾತಿಯ ನಟ ವಿಜಯ್ ಸೂರ್ಯ ಸಿನಿಮಾವೊಂದಕ್ಕೆ ನಾಯಕನಾಗಿ ಎಂಟ್ರಿಕೊಟ್ಟಿದ್ದಾರೆ.

‘ಸ್ವೀಚ್ ಕೇಸ್ ಎನ್‌’ ಹೆಸರಿನ ಸಿನಿಮಾದಲ್ಲಿ ವಿಜಯ್ ನಟಿಸುತ್ತಿದ್ದು,  ಚಿತ್ರದ ಟ್ರೈಲರ್ ರಿಲೀಸ್ ಆಗಿದೆ. ಸದ್ಯದಲ್ಲೇ ಸಿನಿಮಾ ರಿಲೀಸ್ ಆಗಲಿದ್ದು, ವಿಜಯ್ ಸೂರ್ಯ ಬಿಗ್ ಸ್ಕ್ರೀನ್ ನಲ್ಲಿ ಮಿಂಚಲು ಸಜ್ಜಾಗಿದ್ದಾರೆ.

”’ಸ್ವೀಚ್ ಕೇಸ್ ಎನ್‌’ ಸಿನಿಮಾ ಐಟಿ ಕಂಪನಿ ನಡೆಯುವ ಒಬ್ಬ ಹುಡುಗನ ಜರ್ನಿಯ ಕಥೆಯಾಗಿದೆ. ಸಿನಿಮಾ ರಿಯಲ್ ಬದುಕಿಗೆ ಕನೆಕ್ಟ್ ಆಗುವ ಹಾಗೇ ನೈಜವಾಗಿ ಮೂಡಿ ಬಂದಿದೆ. ರಿಯಲ್ ಸ್ಟೋರಿ ಇಟ್ಟುಕೊಂಡು ಈ ಸಿನಿಮಾ ಮಾಡಿದ್ದಾರೆ. ಐಟಿ ಕಂಪನಿಯಲ್ಲಿ ಮ್ಯಾನೇಜರ್ ಜೊತೆ ನಡೆಯುವ ಮಾತುಕತೆ, ಕೆಲಸದಲ್ಲಿ ಎದುರಿಸುವ ಚಾಲೆಂಜ್ ಇವೆಲ್ಲವನ್ನೂ ಸಿನಿಮಾದಲ್ಲಿ ತೋರಿಸಲಾಗಿದೆ” ಎಂದು ವಿಜಯ್ ಸೂರ್ಯ ಹೇಳಿದ್ದಾರೆ.

‘ಸ್ವೀಚ್ ಕೇಸ್ ಎನ್’ ಚಿತ್ರಕ್ಕೆ ಚೇತನ್ ಶೆಟ್ಟಿ ನಿರ್ದೇಶನ ಮಾಡಿದ್ದು, ನಾಯಕಿಯಾಗಿ ಶ್ವೇತಾ ವಿಜಯ್ ಕುಮಾರ್ ನಟಿಸಿದ್ದಾರೆ.

——