ನಾಳೆ ‘ಉಪಾಧ್ಯಕ್ಷ’ ರಿಲೀಸ್

ಚಿಕ್ಕಣ್ಣ ಅಭಿನಯದ ಬಹುನಿರೀಕ್ಷಿತ ‘ಉಪಾಧ್ಯಕ್ಷ’ ಸಿನಿಮಾ ನಾಳೆ ರಾಜ್ಯಾದ್ಯಂತ ರಿಲೀಸ್ ಆಗಲಿದೆ.

ಅನಿಲ್ ಕುಮಾರ್ ನಿರ್ದೇಶನದ ಈ ಚಿತ್ರದಲ್ಲಿ ಚಿಕ್ಕಣ್ಣ ಅವರಿಗೆ ಜೋಡಿಯಾಗಿ ಕಿರುತೆರೆ ನಟಿ ಮಲೈಕಾ ವಾಸುಪಾಲ್ ಅಭಿನಯಿಸಿದ್ದಾರೆ. ರವಿಶಂಕರ್, ಸಾಧು ಕೋಕಿಲ ಮೊದಲಾದ ಕಲಾವಿದರು ಬಣ್ಣ ಹಚ್ಚಿದ್ದಾರೆ. ಶರಣ್ ಅತಿಥಿ ಪಾತ್ರ ಒಂದರಲ್ಲಿ ಕಾಣಿಸಿಕೊಂಡಿದ್ದಾರೆ.

ಸ್ಯಾಂಡಲ್‌ವುಡ್‌ನಲ್ಲಿ ಬೇಡಿಕೆಯ ಹಾಸ್ಯ ನಟರಾಗಿ ಗುರುತಿಸಿಕೊಂಡಿರುವ ಚಿಕ್ಕಣ್ಣ ‘ಉಪಾಧ್ಯಕ್ಷ’ ಸಿನಿಮಾದಿಂದ  ಹೀರೋ ಆಗಿ ಬಡ್ತಿ ಪಡೆದಿದ್ದಾರೆ. 2014ರಲ್ಲಿ ತೆರೆಕಂಡ ಅಧ್ಯಕ್ಷ’ ಸಿನಿಮಾದ ಮುಂದುವರಿದ ಭಾಗವಾಗಿ ‘ಉಪಾಧ್ಯಕ್ಷ’ ತೆರೆ ಮೇಲೆ ಬರಲಿದೆ.

‘ಅಧ್ಯಕ್ಷ’ ಸಿನಿಮಾ ರಿಮೇಕ್ ಆಗಿತ್ತು. ಆದರೆ  ‘ಉಪಾಧ್ಯಕ್ಷ’ ಅಪ್ಪಟ ಸ್ವಮೇಕ್ ಸಿನಿಮಾ. ‘ಅಧ್ಯಕ್ಷ’ ಸಿನಿಮಾದ ಚಿಕ್ಕಣ್ಣ ಅವರ ಪಾತ್ರದ ಮುಂದುವರಿದ ಭಾಗವನ್ನು ಇಲ್ಲಿ ತೋರಿಸಲಾಗುತ್ತಿದೆ.

ಕಾಮಿಡಿ ಲವ್ ಸ್ಟೋರಿ ಕಥಾಂದರ ಹೊಂದಿರುವ ಈ ಚಿತ್ರವನ್ನು ಸ್ಮಿತಾ ಉಮಾಪತಿ ನಿರ್ಮಿಸಿದ್ದಾರೆ.  ಅರ್ಜುನ್ ಜನ್ಯ ಮ್ಯೂಸಿಕ್ ಕಂಪೋಸ್, ಕೆ ಎಂ ಪ್ರಕಾಶ್ ಪ್ರಕಾಶ್ ಸಂಕಲನ, ಶೇಖರ್ ಚಂದ್ರ ಛಾಯಾಗ್ರಹಣವಿದೆ.

ನಾಳೆ ಉಪಾಧ್ಯಕ್ಷ ಸೇರಿದಂತೆ ವಿಜಯ ರಾಘವೇಂದ್ರ ಅಭಿನಯದ ‘ಕೇಸ್‌ ಆಫ್‌ ಕೊಂಡಾಣ’, ‘ಅಲೆಕ್ಸಾ’ ಮತ್ತು ‘ಬ್ಯಾಚುಲರ್ ಪಾರ್ಟಿ’ ತೆರೆ ಮೇಲೆ ಅಪ್ಪಳಿಸಲು ಸಜ್ಜಾಗಿವೆ.

—