ನ. 8ರಂದು ‘U 235’ ತೆರೆಗೆ

ದೇವರಾಜ್‌ ಮುಖ್ಯಭೂಮಿಕೆಯಲ್ಲಿರುವ ‘U 235’ ಚಿತ್ರ ನವೆಂಬರ್‌ 8ರಂದು ತೆರೆಗೆ ಬರಲಿದೆ.

ಚನ್ನೇಗೌಡ ಸಿ.ಎನ್‌ ನಿರ್ದೇಶನದ U 235′ ಚಿತ್ರದ ಟ್ರೇಲರ್‌ ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದೆ. ಸಸ್ಪೆನ್ಸ್‌, ಥ್ರಿಲ್ಲರ್ ಕಥಾಹಂದರ ಹೊಂದಿರುವ ಈ ಚಿತ್ರದಲ್ಲಿ  ಕೋರ್ಟ್ ರೂಮ್ ಸನ್ನಿವೇಶಗಳು ಹೆಚ್ಚಿವೆ. ಯುರೇನಿಯಂ ಅನ್ವೇಷಣೆ ಸುತ್ತ ಕಥೆ ಸಾಗುತ್ತದೆ.

”ಎಂಬಿಎ ಪದವಿಧರನಾಗಿರುವ ನನಗೆ ಸಿನಿಮಾ ನಿರ್ದೇಶನ‌ ಕನಸು. ಕೆಲವು ಸಿನಿಮಾಗಳ ನಿರ್ದೇಶನ ವಿಭಾಗದಲ್ಲಿ ಕೆಲಸ ಮಾಡಿ ಅನುಭವ ಪಡೆದಿರುವೆ” ಎಂದು ನಿರ್ದೇಶಕ ಚನ್ನೇಗೌಡ ಹೇಳಿದ್ದಾರೆ.

ಗೀತಾ ಕ್ರಿಯೇಷನ್ಸ್ ಲಾಂಛನದಲ್ಲಿ ಗೀತಾ ‘U 235’ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಚಿತ್ರದ ನಾಯಕ ವಿವೇಕ್‌ಗೆ ಹಿಮ ಜೋಡಿಯಾಗಿದ್ದಾರೆ. ಪೂಜಾ ದುರ್ಗಣ್ಣ, ದಿನೇಶ್ ಮಂಗಳೂರು, ರಾಜೇಶ್ ನಟರಂಗ ಮುಂತಾದವರು ತಾರಾಬಳಗದಲ್ಲಿದ್ದಾರೆ.

‘U 235’ ಚಿತ್ರ ಮಂಜುನಾಥ್ ಛಾಯಾಗ್ರಹಣ ಹಾಗೂ ಜಗದೀಶ್ ಸಂಕಲನವಿದೆ.

—