ಮೊನ್ನೆಯಷ್ಟೇ ‘ಆ ಕರಾಳ ರಾತ್ರಿ’ ಸಿನಿಮಾದಲ್ಲಿ ಜೆಕೆ ಎಲ್ಲರ ಗಮನ ಸೆಳೆದಿದ್ದರು. ಇದೀಗ, ರಾವಣನ ಅವತಾರದಲ್ಲಿ ಎಂಟ್ರಿ ಕೊಟ್ಟಿದ್ದಾರೆ.ಜಯರಾಮ್ ಕಾರ್ತಿಕ್, ಚಂದನವನದ ಸುರಸುಂದರಾಂಗ ನಟ. ಹೀರೋ ಆದ್ರೂ, ವಿಲನ್ ಅವತಾರದಲ್ಲಿ ಅಬ್ಬರಿಸಿ ಬೊಬ್ಬಿರಿಯೋ ಕಲಾವಿದ.
ಜಯರಾಮ್ಗೆ ಲವ್ವರ್ ಬಾಯ್, ವಿಲನ್ ಯಾವುದೇ ಪಾತ್ರ ಕೊಟ್ಟರೂ ನ್ಯಾಯ ಒದಗಿಸ್ತಾರೆ. ಕಣ್ಣಲ್ಲೇ ನಟಿಸೋ ಕಲೆಯೂ ಜೆಕೆಗೆ ಕರಗತ.ಇಂತಹ ಕ್ವಾಲಿಟೀಸ್ ನೋಡಿಯೇ ಏನೋ ನಿರ್ದೇಶಕ ನಾಗೇಂದ್ರ ಅರಸ್, ಜೆಕೆಗೆ ಹೊಸ ಅವತಾರ ತೊಡಿಸಿದ್ದಾರೆ. ‘ಮೇ 1st’ ಜಯರಾಮ್ ಕಾರ್ತಿಕ್ ನಾಯಕನಾಗಿ ನಟಿಸ್ತಿರೋ ಥ್ರಿಲ್ಲರ್ ಸಿನಿಮಾ.
ಟ್ರೇಲರ್ನಿಂದಲೇ ಜನರನ್ನು ಬೆಚ್ಚಿ ಬೀಳಿಸಿದ್ದ ಜೆಕೆ ಈಗ ರಾವಣನ ಅವತಾರದಲ್ಲಿ ಇನ್ನಷ್ಟು ಕುತೂಹಲ ಕೆರಳಿಸಿದ್ದಾರೆ. ಸತೀಶ್ ಬಾಬು ಕಂಪೋಸ್ ಮಾಡಿರೋ ‘ರಾವಣ’ ಹಾಡು ಸಿನಿಮಾಗೆ ಮತ್ತಷ್ಟು ಹೈಪ್ ಕೊಟ್ಟಿದೆ. ‘ನರಕ ಲೋಕ ನರ್ತಕ, ದಾನವರ ಕುಲತಿಲಕ…. ಅನ್ನೋ ಸಾಹಿತ್ಯದ ಜೊತೆಗೆ ಜೆಕೆಯ ನಟನೆ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ.
ಅಂದ್ಹಾಗೆ, ಈ ಚಿತ್ರವನ್ನ ನಾಗೇಂದ್ರ ಅರಸ್ ನಿರ್ದೇಶನ ಮಾಡಿದ್ದು, ಸ್ವತಃ ಜೆಕೆ ಅವರೇ ಕತೆ ಮತ್ತು ಚಿತ್ರಕತೆ ಬರೆದಿದ್ದಾರೆ.ಶ್ರೀ ಲಕ್ಷ್ಮೀ ಸಾಯಿ ಕ್ರಿಯೇಷನ್ಸ್ ಸಂಸ್ಥೆಯಡಿ ವಾಣಿ ರಾಜು ಈ ಚಿತ್ರದ ನಿರ್ಮಾಣಕ್ಕೆ ಬಂಡವಾಳ ಹೂಡಿದ್ದಾರೆ. ಚಿತ್ರದಲ್ಲಿ ಜೆಕೆಗೆ ಇಬ್ಬರುನಾಯಕಿಯರಿದ್ದು, ರಕ್ಷಾ ಸೋಮಶೇಖರ್ ಮತ್ತು ಪೂರ್ವಿ ಜೋಷಿ ಅಭಿನಯಿಸಿದ್ದಾರೆ. ಇನ್ನುಳಿದಂತೆ ಈ ಚಿತ್ರಕ್ಕೆ ಸತೀಶ್ ಬಾಬು ಸಂಗೀತ, ಕಿರಣ್ ಸತೀಶ್ ಛಾಯಾಗ್ರಹಣ ಮಾಡುತ್ತಿದ್ದಾರೆ.
Be the first to comment