ಒಟಿಟಿಗೆ “ಟೂರಿಸ್ಟ್ ಫ್ಯಾಮಿಲಿ”

ಬಾಕ್ಸ್ ಆಫೀಸ್‌ನಲ್ಲಿ ಕ್ಲಾಸಿಕ್ ಬ್ಲಾಕ್‌ಬಸ್ಟರ್ ಎನಿಸಿಕೊಂಡ ‘ಟೂರಿಸ್ಟ್ ಫ್ಯಾಮಿಲಿ’ ಚಿತ್ರ ಒಟಿಟಿಗೆ ಬರುತ್ತಿದೆ.

‘ಟೂರಿಸ್ಟ್ ಫ್ಯಾಮಿಲಿ’ ಚಿತ್ರ ಜೂನ್ 2 ರಿಂದ  ಜಿಯೋ ಹಾಟ್‌ಸ್ಟಾರ್‌ನಲ್ಲಿ ತಮಿಳು, ತೆಲುಗು, ಕನ್ನಡ, ಮಲಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿ ಸ್ಟ್ರೀಮಿಂಗ್ ಆಗಲಿದೆ.

ಈ ಚಿತ್ರದ ಕಥೆ ಶ್ರೀಲಂಕಾದಿಂದ ಬಂದ ಈ ಕುಟುಂಬ ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಇದೆ.  ಶ್ರೀಲಂಕಾದಲ್ಲಿನ ಆರ್ಥಿಕ ಬಿಕ್ಕಟ್ಟಿನಿಂದಾಗಿ, ಒಂದು ತಮಿಳು ಕುಟುಂಬವು ತಮ್ಮ ಊರನ್ನು ತೊರೆದು ಭಾರತಕ್ಕೆ ನಿರಾಶ್ರಿತರಾಗಿ ಬರುತ್ತದೆ. ನಂತರ, ಅವರು ಚೆನ್ನೈನಲ್ಲಿ ಹೊಸ ಜೀವನವನ್ನು ಪ್ರಾರಂಭಿಸಲು ಪ್ರಯತ್ನಿಸುತ್ತಾರೆ. ಆದರೆ ಅವರು ತಾವು ಯಾರೆಂದು ಮರೆಮಾಡಬೇಕಾಗುತ್ತದೆ.

ಚಿತ್ರದಲ್ಲಿ  ಶಶಿಕುಮಾರ್ ಮತ್ತು ಸಿಮ್ರಾನ್,  ಯೋಗಿ ಬಾಬು, ಮಿಥುನ್ ಜೈ ಶಂಕರ್, ಕಮಲೇಶ್ ಜೆಗನ್, ಎಂ.ಎಸ್. ಭಾಸ್ಕರ್, ರಮೇಶ್ ತಿಲಕ್, ಭಗವತಿ ಪೆರುಮಾಳ್ ಮತ್ತು ಇತರರು  ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಅಭಿಷಣ್ ಜೀವಿಂತ್ ‘ಟೂರಿಸ್ಟ್ ಫ್ಯಾಮಿಲಿ’ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಈ ಚಿತ್ರವು ಮೇ 1 ರಂದು ಬಿಡುಗಡೆಯಾಗಿ ಸೂಪರ್ ಹಿಟ್ ಆಯಿತು.  ತಲೈವರ್ ರಜನಿಕಾಂತ್, ನಟರಾದ ಶಿವಕಾರ್ತಿಕೇಯನ್, ಧನುಷ್, ಎಸ್.ಎಸ್. ರಾಜಮೌಳಿ, ಸೂರ್ಯ ಮತ್ತು ನಾನಿ ಚಿತ್ರವನ್ನು ಹೊಗಳಿದ್ದಾರೆ.

—-