ಕಿಚ್ಚ ಸುದೀಪ್ ಹಾಗು ಡಾ.ಶಿವರಾಜ್ಕುಮಾರ್ ಅಭಿನಯದ ದಿ ವಿಲನ್ ಸಿನಿಮಾ ಕ್ರೇಜ್ ಎಷ್ಟಿದೆ ಅಂದ್ರೆ, ಯಾವಾಗ ಸಿನಿಮಾದ ಟಿಕೆಟ್ ಆನ್ಲೈನ್ ಬುಕ್ಕಿಂಗ್ಸ್ ಶುರುವಾಗುತ್ತೋ, ಅಂತಾ ಕಾಯ್ತಾ ಇದ್ದಾರೆ ಫ್ಯಾನ್ಸ್. ಆದ್ರೆ ದಿ ವಿಲನ್ ಸಿನಿಮಾ ನೋಡ್ಬೇಕು ಅಂತಿರೋರು ಚೂರು ಹೆಚ್ಚೇ ಖರ್ಚು ಮಾಡ್ಬೇಕಾಗುತ್ತೆ. ದಿ ವಿಲನ್ ಸಿನಿಮಾ ನೋಡ್ಬೇಕು ಅಂದ್ರೆ ಥಿಯೇಟರ್ನಲ್ಲಿ ಬರೊಬ್ಬರಿ 200 ರೂಪಾಯಿಗಳನ್ನ ಕೊಡ್ಬೇಕು. ಬೆಂಗಳೂರು ಸೇರಿದಂತೆ ರಾಜ್ಯದ ಪ್ರಮುಖ ನಗರಗಳಲ್ಲಿ ಸಿಂಗಲ್ ಸ್ಕ್ರೀನ್ ಥಿಯೇಟರ್ಗಳಲ್ಲಿ ಬಾಲ್ಕನಿ ಟಿಕೆಟ್ ಒಂದರ ಬೆಲೆ 100ರಿಂದ 120ರೂಪಾಯಿ ಇದೆ. ಆದ್ರೆ ದಿ ವಿಲನ್ ಸಿನಿಮಾ ನೋಡ್ಬೇಕು ಅಂದ್ರೆ ದುಪ್ಪಟ್ಟು ಹಣ ಕೊಡ್ಬೇಕು. ಇನ್ನು ಸೆಕೆಂಡ್ ಕ್ಲಾಸ್ ಟಿಕೆಟ್ ದರ ಕೂಡ ಹೆಚ್ಚಿರಲಿದೆ. ಇದನ್ನ ಹೊರತು ಪಡಿಸಿ ಸಣ್ಣ ಪುಟ್ಟ ಪಟ್ಟಣಗಳಲ್ಲಿ ಇರೋ ಥಿಯೇಟರ್ಗಳಲ್ಲೂ ಟಿಕೆಟ್ನ ಬೆಲೆ ಡಬಲ್ ಆಗಲಿದೆ. ಈಗಾಗ್ಲೆ ಮಲ್ಟಿಫ್ಲೆಕ್ಸ್ನಲ್ಲಿ ಟಿಕೆಟ್ನ ಬೆಲೆ 1000 ರೂಪಾಯಿ ಅಂತ ಸಿನಿಮಾ ಟೀಮ್ ಹೇಳಿಕೊಂಡಿತ್ತು.
ಪರಭಾಷಾ ಸಿನಿಮಾಗಳಿಗೆ 500, 100 ರೂಪಾಯಿ ಟಿಕೆಟ್ ಬೆಲೆ ಮಾಡಿದ್ರು ಕೊಟ್ಟು ನೋಡೋ ಪ್ರೇಕ್ಷಕರು, ಪರಭಾಷಾ ಸಿನಿಮಾಗಳಿಗೆ ಯಾವುದ್ರಲ್ಲೂ ಕಡಿಮೆ ಇಲ್ಲ ಅನ್ನೋ ಹಾಗೆ ಮಾಡಿರೋ, ದಿ ವಿಲನ್ ಸಿನಿಮಾ ನೋಡೋದಿಲ್ವಾ? ಹಾಗಾಗಿ ಟಿಕೆಟ್ ಬೆಲೆ ಹೆಚ್ಚು ಮಾಡಿರೋದು ಸೂಕ್ತ ಅನ್ನಿಸುತ್ತೆ ಅಂದಿದ್ದಾರೆ ನಿರ್ದೇಶಕ ಪ್ರೇಮ್. ನಿರ್ಮಾಪಕ ಸಿ.ಆರ್.ಮನೋಹರ್ ಕೂಡ ಸಿನಿಮಾದ ಬಜೆಟ್ ಈಗ ಬರ್ತಾ ಇರೋ ಕನ್ನಡ ಸಿನಿಮಾಗಳ ಬಜೆಟ್ಗೆ ಹೋಲಿಸಿದ್ರೆ ತುಂಬಾನೇ ಹೆಚ್ಚಿದೆ. ಹಾಗಾಗಿ ಟೆಕೆಟ್ ಬೆಲೆ ಹೆಚ್ಚಿಸಲಾಗಿದೆ. ಇದನ್ನ ಕನ್ನಡ ಸಿನಿಪ್ರೇಕ್ಷಕ ಅರ್ಥ ಮಾಡಿಕೊಳ್ತಾನೆ ಅಂದಿದ್ದಾರೆ. ಇದೇ ಅಕ್ಟೋಬರ್ 11ರಿಂದ ಸಿನಿಮಾದ ಟಿಕೆಟ್ಗಳು ಆನ್ಲೈನ್ ಲಭ್ಯವಾಗಲಿದೆ.
Be the first to comment