ಜನವರಿ 10 ರಂದು ‘ಟೆಡ್ಡಿ ಬೇರ್’ ತೆರೆಗೆ

ಬಹುನಿರೀಕ್ಷಿತ ಹಾರರ್ ಚಿತ್ರ ‘ಟೆಡ್ಡಿ ಬೇರ್’ ಜನವರಿ 10 ರಂದು ತೆರೆಗೆ ಬರಲಿದೆ.

ಚಿತ್ರ  ಇತ್ತೀಚೆಗೆ ಸೆನ್ಸಾರ್  ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಿದ್ದು U/A ಪ್ರಮಾಣಪತ್ರ ಪಡೆದುಕೊಂಡಿದೆ.  ಹಲವು ಪ್ರಮುಖ ಸಿನಿಮಾಗಳೊಂದಿಗೆ ಸಂಕ್ರಾಂತಿಯಂದು ಬಿಡುಗಡೆಗೆ ಸಜ್ಜಾಗುತ್ತಿದೆ.

ಟೆಡ್ಡಿ ಬೇರ್ ಖ್ಯಾತ ತೆಲುಗು ನಿರ್ದೇಶಕ ಪುರಿ ಜಗನ್ನಾಥ್ ಅವರ ಮಾಜಿ ಸಹಾಯಕ ಲೋಕೇಶ್ ಬಿ ಅವರ ನಿರ್ದೇಶನದ ಚೊಚ್ಚಲ ಚಿತ್ರವಾಗಿದೆ. ಚಿತ್ರಕ್ಕೆ ಕಥೆ ಮತ್ತು ಚಿತ್ರಕಥೆಯನ್ನು ಲೋಕೇಶ್ ರಚಿಸಿದ್ದಾರೆ. ಅದ್ಯಲಕ್ಷಿ ಪ್ರೊಡಕ್ಷನ್ಸ್ ಅಡಿಯಲ್ಲಿ ಜ್ಯೋತಿ ತಾರಕೇಶ್, ಭರತ್ ಮತ್ತು ನವೀನ್ ನಿರ್ಮಿಸಿದ್ದಾರೆ.

ಟೆಡ್ಡಿ ಬೇರನ್ನು ಸಿಂಬಲ್ ಆಫ್ ಲವ್ ಎನ್ನುತ್ತಾರೆ. ಆದರೆ ಈ ಚಿತ್ರದಲ್ಲಿ ಟೆಡ್ಡಿ ಬೇರ್ ನ್ನು ಹಾರರ್ ಸಂಕೇತವಾಗಿ ತೋರಿಸಲಾಗಿದೆ. ಚಿತ್ರದ ನಾಯಕನಾಗಿ ಸುಪ್ರಿಂ ಸ್ಟಾರ್ ಭಾರ್ಗವ್ ಅಭಿನಯ ಮಾಡಿದ್ದಾರೆ. ಇವರಿಲ್ಲಿ ಸೈಕಾಲಜಿಕಲ್ ಡಾಕ್ಟರ್ ಪಾತ್ರ ಮಾಡಿದ್ದಾರೆ. ಇವರೊಂದಿಗೆ ಶೈಲಜಾ ಸಿಂಹ ಮತ್ತು ದೀನ ಪೂಜಾರಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಪೋಷಕ ಪಾತ್ರದಲ್ಲಿ ಸ್ಪರ್ಶ ರೇಖಾ, ದಿಶಾ ಪೂವಯ್ಯ, ಕಿಟ್ಟಿ ತಾಳಿಕೋಟೆ, ಮುತ್ತು, ಅರವಿಂದ್ ಮತ್ತು ಬೇಬಿ ಅಕ್ಷರ ಇದ್ದಾರೆ. ದೀಪು ಮತ್ತು ಬೆನಕರಾಜ್ ಛಾಯಾಗ್ರಾಹಕ,  ವಿವೇಕ್ ಜಂಗ್ಲಿ ಅವರ ಸಂಗೀತವಿದೆ.