ನಿರ್ದೇಶಕ ಅಶ್ವಿನ್ ಕೊಡಂಗೆ ಅವರ ಚೊಚ್ಚಲ ಸಿನಿಮಾ `ಸ್ವಾರ್ಥ ರತ್ನ’ ಬಹಳ ಖುಷಿ ಖುಷಿಯಿಂದ ತಯಾರಿಸಲಾಗಿರುವ ಈ ಚಿತ್ರ ಆದರ್ಶ್ ಅವರ ಮೊದಲ ಸಿನಿಮಾ. ಅವರಿಗೆ ಸ್ನೇಹ ಸಿಂಗ್ ಹಾಗೂ ಇಶಿತಾ ವರ್ಷ ನಾಯಕಿಯರು. ನಿರ್ದೇಶಕ ಅಶ್ವಿನ್ ಈ ಹಿಂದೆ ಎರಡು ಕನ್ನಡ ಸಿನಿಮಾಗಳಿಗೆ ಸಹಾಯಕರಾಗಿ ದುಡಿದವರು. ಡಿಸೆಂಬರ್ 28 ರಂದು ರಾಜ್ಯಾದ್ಯಂತ `ಸ್ವಾರ್ಥ ರತ್ನ’ ಚಿತ್ರ ತೆರೆಗೆ ಬರಲಿದೆ ಎಂದು ನಿರ್ದೇಶಕರು ತಿಳಿಸಿದ್ದಾರೆ.
ಹಾಸ್ಯ ಲೇಪನದೊಂದಿಗೆ ಗಂಭೀರವಾದ ವಿಚಾರವನ್ನು ಸಹ ಹೊಂದಿರುವ ಈ ಚಿತ್ರ ರನ್ನಿಂಗ್ ಹಾರ್ಸ್ ಕ್ರಿಯೇಷನ್ ಅಡಿಯಲ್ಲಿ ನಿರ್ಮಾಣವಾಗಿದೆ. ಚಿತ್ರದ ಟ್ರೈಲರ್ ಈಗ ಬಹಳ ವೀಕ್ಷಕರನ್ನು ಪಡೆದುಕೊಂಡು ಒಂದು ರೀತಿಯ ಕುತೂಹಲವನ್ನು ಕಾಯ್ದುಕೊಂಡಿದೆ.
ಬಿ ಜೆ ಭರತ್ ಸಂಗೀತದಲ್ಲಿ, ಜಯಂತ್ ಕಾಯ್ಕಿಣಿ ರಚಸಿರುವ, ಅರ್ಮಾನ್ ಮಲ್ಲಿಕ್ ಹಾಡಿರುವ ಹಾಡು ಸಹ ಈಗಾಗಲೇ ಬಹಳ ಜನಪ್ರಿಯವಾಗಿದೆ. ರೋಷನ್ ಕುಮಾರ್ ಝಾ ಛಾಯಾಗ್ರಹಣ, ಗಿರಿ ಮಹೇಶ್ ಸಂಕಲನ ಚಿತ್ರಕ್ಕಿದೆ.
ಆದರ್ಶ್ ಜೊತೆ ಹಾಸ್ಯದ ಹೊನಲು ಹರಿಸಲು ಅಮಿತ್ ಇದ್ದಾರೆ. ಹಿರಿಯ ನಟ ಎಂ ಎಸ್ ಉಮೇಶ್, ಸಾಧು ಕೋಕಿಲ, ರಮೇಶ್ ಭಟ್, ಸುಧಾ ಬೆಳವಾಡಿ, ಸರಿಗಮ ವಿಜಿ, ಮನದೀಪ್ ರೈ ಹಾಗೂ ಇತರರು ತಾರಾಗಣದಲ್ಲಿ ಇದ್ದಾರೆ.
Be the first to comment