ತೆರೆ ಮೇಲೆ ಬರಲಿದೆ ಶಿವಣ್ಣ ಕ್ಯಾನ್ಸರ್ ಪ್ರಯಾಣದ ಸಾಕ್ಷ್ಯಚಿತ್ರ

ಸೆಂಚುರಿ ಸ್ಟಾರ್ ಶಿವರಾಜ್‌ಕುಮಾರ್ ಅವರ ಕ್ಯಾನ್ಸರ್‌ನೊಂದಿಗಿನ  ಹೋರಾಟದ ಸಾಕ್ಷ್ಯಚಿತ್ರ ತೆರೆ ಮೇಲೆ ಬರಲಿದೆ.

ಡಾಕ್ಯು-ಡ್ರಾಮಾ ಆಗಿರುವ ‘ಸರ್ವೈವರ್’ ರೋಗ ಪತ್ತೆಯಾದಂದಿನಿಂದ  ಚೇತರಿಕೆಯವರೆಗಿನ ಶಿವರಾಜ್‌ಕುಮಾರ್ ಅವರ ಪ್ರಯಾಣದ ಫಿಲ್ಟರ್ ಮಾಡದ, ಭಾವನಾತ್ಮಕ ನೋಟವನ್ನು ಪ್ರೇಕ್ಷಕರಿಗೆ ನೀಡಲಿದೆ. ಗೀತಾ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ಶಿವರಾಜ್‌ಕುಮಾರ್ ಅವರ ಪತ್ನಿ ಗೀತಾ ನಿರ್ಮಿಸಲಿರುವ ಚಿತ್ರವನ್ನು ‘ಮೇಡ್ ಇನ್ ಬೆಂಗಳೂರು’ ಖ್ಯಾತಿಯ ಪ್ರದೀಪ್ ಕೆ ಶಾಸ್ತ್ರಿ ನಿರ್ದೇಶಿಸಲಿದ್ದಾರೆ.

‘ಸರ್ವೈವರ್’ ಸಾಕ್ಷ್ಯಚಿತ್ರ 90 ನಿಮಿಷ  ಇರುತ್ತದೆ. ಶಿವರಾಜ್‌ಕುಮಾರ್ ಅವರ ನೈಜ ಜೀವನ ಶೈಲಿಯನ್ನು ಅವರ ವಿಶಿಷ್ಟ  ಆ್ಯಕ್ಷನ್ ದೃಶ್ಯಗಳು, ಹಾಡುಗಳನ್ನು ಒಳಗೊಂಡಿರುವ ರೋಮಾಂಚಕಾರಿ ಮತ್ತು ಮನರಂಜನಾ ಅಂಶಗಳೊಂದಿಗೆ ತೆರೆಮೇಲೆ ತರಲು ಯೋಜಿಸಲಾಗಿದೆ.

ಸರ್ವೈವರ್ ‘ಸೂಪರ್‌ಸ್ಟಾರ್‌ನ ಸಾಕ್ಷ್ಯಚಿತ್ರ’ವಾಗಲಿದೆ. ಭಯ, ಅನಿಶ್ಚಿತತೆ ಮತ್ತು ನೋವಿನ ಮೂಲಕ ಹೋರಾಡಿ, ಬಲವಾಗಿ ಹೊರಹೊಮ್ಮಿದ ಜೀವನದ ಪ್ರತಿಬಿಂಬವಾಗಿರುತ್ತದೆ. ಶಿವರಾಜ್‌ಕುಮಾರ್ ಅವರ ಮುಂಬರುವ ಚಿತ್ರ 45 ನಂತರ ಇದನ್ನು ಬಿಡುಗಡೆ ಮಾಡಲು ನಾವು ಯೋಜಿಸಿದ್ದೇವೆ ಎಂದು ಪ್ರದೀಪ್ ಕೆ ಶಾಸ್ತ್ರಿ ಹೇಳಿದ್ದಾರೆ.

ನಿರ್ದೇಶಕರು ಮಿಯಾಮಿಯಲ್ಲಿ ಅವರಿಗೆ ಚಿಕಿತ್ಸೆ ನೀಡಿದ ವೈದ್ಯರನ್ನು ಸಹ ಭೇಟಿಯಾಗಿದ್ದಾರೆ. ಈ ಸಾಕ್ಷ್ಯಚಿತ್ರ  ಅವರ ಅಳಿಯ ಡಾ. ದಿಲೀಪ್ ಅವರ ವಿಶೇಷ ನೋಟವನ್ನು ಒಳಗೊಂಡಿದೆ.  ಗೀತಾ ಶಿವರಾಜ್‌ಕುಮಾರ್ ಮತ್ತು ವಿವಿಧ ಉದ್ಯಮಗಳ ಪ್ರಸಿದ್ಧ ನಟರು ಸಹ ಇದರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಕ್ಯಾನ್ಸರ್ ಚಿಕಿತ್ಸೆ ಪಡೆಯುತ್ತಿರುವಾಗಲೂ ಶಿವರಾಜ್‌ಕುಮಾರ್ ಅವರು ’45’ ಚಿತ್ರಕ್ಕಾಗಿ ಫೈಟ್ ಸನ್ನಿವೇಶವನ್ನು  ಚಿತ್ರೀಕರಿಸಿದ್ದಾರೆ. ಇದು ಸಾಕ್ಷ್ಯಚಿತ್ರದ ಭಾಗವಾಗಲಿದೆ. ಸರ್ವೈವರ್ ಚಿತ್ರವನ್ನು ಅಂತಾರಾಷ್ಟ್ರೀಯ ಬಿಡುಗಡೆಗಾಗಿ ಸಿದ್ಧಪಡಿಸಲಾಗುತ್ತಿದೆ.

—-