ಇತ್ತೀಚೆಗೆ ಶಾರ್ಟ್ ಫಿಲಂ, ಆಲ್ಬಂ ಸಾಂಗ್ ಮಾಡುವುದು ಹಿರಿತೆರೆಗೆ ಎಂಟ್ರಿಕೊಡಲು ಒಂದು ವೇದಿಕೆಯಾಗುತ್ತಿದೆ. ಕೆಲವರು ಇಂಥದ್ದೊಂದು ಪ್ರಯತ್ನದ ಮೂಲಕ ತಾವೂ ಬೆಳ್ಳಿತೆರೆಗೆ ಎಂಟ್ರಿಯಾಗುತ್ತಿದ್ದೇವೆ ಎಂಬ ಮುನ್ಸೂಚನೆ ಕೊಡುತ್ತಿದ್ದಾರೆ. ಇನ್ನೂ ಕೆಲವರು ತಮ್ಮ ಕೆಲಸ ಹೀಗಿರುತ್ತೆ ಎಂದು ನಿರ್ಮಾಪಕರಿಗೆ ಮನವರಿಕೆ ಮಾಡಿಕೊಡುವ ಸಲುವಾಗಿಯೇ ಇಂಥ ಪ್ರಯತ್ನಕ್ಕೆ ಕೈಹಾಕುತ್ತಾರೆ. ಇದೇರೀತಿ ವೀಡಿಯೋ ಆಲ್ಬಂ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿಕೊಡಲು ಸಜ್ಜಾಗುತ್ತಿರುವವರಲ್ಲಿ ಸ್ಟಾರ್ ದಿಲೀಪ್ ಕೂಡ ಒಬ್ಬರು. ಅವರೀಗ ಸ್ಟಾರ್ ದಿಲೀಪ್ ಎಂಬ ಹೊಸ ವೀಡಿಯೋ ಆಲ್ಬಂ ಸಾಂಗ್‍ನಲ್ಲಿ ಅಭಿನಯಿಸಿದ್ದಾರೆ. ಆ ಹಾಡಿಗೆ ಸಖತ್ ಸ್ಟೆಪ್ಸ್ ಕೂಡ ಹಾಕಿದ್ದಾರೆ. ಹೊನ್ನವಳ್ಳಿ ಕೃಷ್ಣ ಅವರ ಪುತ್ರ ಶ್ರೀಕಾಂತ್ ಹೊನ್ನವಳ್ಳಿ ಅವರ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ವಿಡಿಯೋ ಆಲ್ಬಂ ಸಾಂಗ್ ಬಿಡುಗಡೆ ಸಮಾರಂಭ ಇತ್ತೀಚೆಗೆ ರೇಣುಕಾಂಬ ಥಿಯೇಟರಿನಲ್ಲಿ ನಡೆಯಿತು. ಸೂಪರ್‍ಸ್ಟಾರ್ ರಜನಿಕಾಂತ್ ಅಭಿಮಾನಿಗಳ ಸಂಘದ ಅಧ್ಯಕ್ಷ ಸೈಮನ್‍ರಾಜ್ ಹಾಗೂ ಹಿರಿಯ ನಟ ಸತ್ಯಪ್ಪ ಈ ಆಲ್ಬಂ ಸಾಂಗ್ ರಿಲೀಸ್ ಮಾಡಿ ತಂಡಕ್ಕೆ ಶುಭ ಕೋರಿದರು.
ವಿಶೇಷ ಎಂದರೆ ಈ ವೀಡಿಯೋ ಹಾಡಲ್ಲಿ ಕಾಣಿಸಿಕೊಂಡಿರುವ ದಿಲೀಪ್ ಒಬ್ಬ ಗಾರೆ ಕೆಲಸಗಾರ. ಮನೆಕಟ್ಟುವ ಮೂಲಕ ಬಣ್ಣದ ಬದುಕನ್ನು ಕೂಡ ಕಟ್ಟಿಕೊಳ್ಳುವ ಪ್ರಯತ್ನ ಮಾಡುತ್ತಿರುವ ದಿಲೀಪ್ ಚಿತ್ರರಂಗದಲ್ಲಿ ಏನಾದರೂ ಸಾಧನೆ ಮಾಡಬೇಕೆಂಬ ಆಸೆಯಿಂದ ಸ್ಟಾರ್ ದಿಲೀಫ್ ಎಂಬ ಆಲ್ಬಂ ಸಾಂಗ್ ಹೊರತಂದಿದ್ದಾರೆ. 
ದಿಲೀಪ್ ತನ್ನ ಕಾಯಕ ಮಾಡುತ್ತಲೇ ಬಿಡುವು ಮಾಡಿಕೊಂಡು, ಅಭಿನಯ, ಡ್ಯಾನ್ಸ್ ತರಬೇತಿ ಪಡೆದು ಈ ಹಾಡಿನಲ್ಲಿ ಅಭಿನಯಿಸಿದ್ದಾರೆ. ಇನ್ನು, ಕುಚುಪುಡಿ ಕುಮಾರ್ ಈ ಹಾಡಿಗೆ ನೃತ್ಯ ನಿರ್ದೇಶನ ಮಾಡಿ. ದಿಲೀಪ್ ಅವರ ಜೊತೆ ಇಂದುಲೇಖ ಕೂಡ ಅಭಿನಯಿಸಿದ್ದಾರೆ. ಮಡಿಕೇರಿ ಮುಖೇಶ್ ಅವರ ಗಾಯನದ ಈ ಹಾಡಿಗೆ ರಾಮಕೃಷ್ಣ ಮ್ಯೂಸಿಕ್ ಕಂಪೋಜ್ ಮಾಡಿದ್ದಾರೆ. ವಿ.ಎ.ಎನ್. ಮೂರ್ತಿ ಮತ್ತು ಸತೀಶ್ ರಾಜೇಂದ್ರನ್ ಕ್ಯಾಮೆರಾ ವರ್ಕ್ ಮಾಡಿದ್ದಾರೆ. ಕನ್ನಡ ಮತ್ತು ತಮಿಳು ಭಾಷೆಯಲ್ಲಿ ಈ ಆಲ್ಬಂ ಸಾಂಗ್ ತಯಾರಾಗಿದೆ. 40ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿರುವ ಶ್ರೀಕಾಂತ್ ಹೊನ್ನವಳ್ಳಿ ಮಾತನಾಡಿ ಸಧ್ಯ ನಾನು ಪಾಂಡವಪುರದ ಪ್ರಚಂಡರು ಎಂಬ ಚಿತ್ರವನ್ನು ನಿರ್ದೇಶಿಸುತ್ತಿದ್ದೇನೆ. ದಿಲೀಪ್ ನನ್ನ ಸ್ನೇಹಿತ, ಒಂದು ಸಿನಿಮಾ ಮಾಡಿಕೊಡಿ ಎಂದು ಕೇಳಿದರು. ಅದಕ್ಕೂ ಮುನ್ನ ಈ ಆಲ್ಬಂ ಸಾಂಗ್ ಮಾಡಿದ್ದೇವೆ. ಸಧ್ಯದಲ್ಲೇ ಹೊಸ ಸಿನಿಮಾ ಆರಂಭಿಸುತ್ತಿದ್ದೇವೆ ಎಂದು ಹೇಳಿದರು. ನಂತರ ದಿಲೀಪ್ ಮಾತನಾಡಿ ಈ ಹಾಡಿನಲ್ಲಿ ವರ್ಕ್ ಮಾಡಿದ್ದು ಸಿನಿಮಾ ಕೂಡ ಮಾಡಬಹುದು ಎಂಬ ನಂಬಿಕೆ ಬಂದಿದೆ. ನವೆಂಬರ್ ತಿಂಗಳಲ್ಲಿ ನಮ್ಮ ಹೊಸ ಚಿತ್ರವ್ನನು ಆರಂಭಿಸುತ್ತಿದ್ದೇವೆ ಎಂದು ಹೇಳಿದರು. ಕೊರಿಯೋಗ್ರಾಫರ್ ಕುಮಾರ್, ಮುನಿರಾಜು ಕೂಡ ಸಮಾರಂಭದಲ್ಲಿ ಹಾಜರಿದ್ದರು.
Pingback: tinysexdolls.com