ಮಾರ್ಚ್ 15ಕ್ಕೆ ‘ದುನಿಯಾ’ ಸೂರಿ ಶಿಷ್ಯನ ಸಿನಿಮಾ

‘ದುನಿಯಾ’ ಸೂರಿ ಶಿಷ್ಯ ನಿರ್ದೇಶಕ ಅಭಿ ಸಿನಿಮಾ ‘ಸೋಮು ಸೌಂಡ್ ಇಂಜಿನಿಯರ್’ ಮಾರ್ಚ್ 15ಕ್ಕೆ ರಾಜ್ಯಾದ್ಯಂತ ರಿಲೀಸ್ ಆಗಲಿದೆ.

ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ. ಈ ವೇಳೆ ಸೂರಿ ಹಾಗೂ ಡಾಲಿ ಧನಂಜಯ  ಟ್ರೇಲರ್ ರಿಲೀಸ್ ಮಾಡಿ ಚಿತ್ರತಂಡಕ್ಕೆ ಆಲ್​ ದಿ ಬೆಸ್ಟ್ ಹೇಳಿದ್ದಾರೆ. ಸಿನಿಮಾದ  ಟ್ರೇಲರ್ ಹಳ್ಳಿ ಶೈಲಿಯಲ್ಲಿ  ಮೂಡಿ ಬಂದಿದೆ.

ನಿರ್ದೇಶಕನಾಗಿ ಅಭಿಗೆ ‘ಸೋಮು ಸೌಂಡ್ ಇಂಜಿನಿಯರ್’ ಮೊದಲ ಅನುಭವ. ಸೂರಿ ಗರಿಡಯಲ್ಲಿ ಅವರು ಪಳಗಿದ್ದಾರೆ. 9 ವರ್ಷ ನಿರ್ದೇಶನದಲ್ಲಿ ಪಳಗಿರೋ ಅವರು ಈಗ ಸ್ವತಂತ್ರ ನಿರ್ದೇಶಕರಾಗುತ್ತಿದ್ದಾರೆ.

”ಸಿನಿಮಾ ಹುಟ್ಟೋಕೆ ಕಾರಣ ಆಗಿದ್ದು ಸೂರಿ. ನೀನು ಬೆಳೆದ ಜಾಗ, ಭಾಷೆಯ ಮೇಲೆ ಸಿನಿಮಾ ಮಾಡು ಅಭಿ ಎಂದರು. ಸ್ಕ್ರಿಪ್ಟ್ ಬರೆದು ಸೂರಿಗೆ ಅವರಿಗೆ ನೀಡಿದೆ. ಅವರಿಗೆ ಸ್ಕ್ರಿಪ್ಟ್ ಕೊಡುವಾಗ ಭಯ ಇತ್ತು. ನನ್ನ ತಂಡಕ್ಕೆ ಧನ್ಯವಾದ’ ಎಂದಿದ್ದಾರೆ ಅಭಿ.

 ‘ಅಭಿಗೆ ಅರ್ಥವಾಗುತ್ತಿದೆ ಎಂದಾಗ ಸಿನಿಮಾ ಮಾಡು ಎಂದು ನಾನೇ ಹೇಳಿದ್ದೆ. ಉತ್ತರ ಕರ್ನಾಟಕ ಭಾಷೆಯಲ್ಲಿ ಸಿನಿಮಾ ಮಾಡುತ್ತೇನೆ ಎಂದು ಅವನೇ ಆಯ್ಕೆ ಮಾಡಿಕೊಂಡ’ ಎಂದಿದ್ದಾರೆ ಸೂರಿ.

ಡಾಲಿ ಧನಂಜಯ್ ಅವರು ‘ಸೋಮು ಸೌಂಡ್ ಇಂಜಿನಿಯರ್’ ದೊಡ್ಡದಾಗಿ ಸೌಂಡ್ ಮಾಡಲಿ ಎಂದು ಹಾರೈಸಿದರು.

ನಿಮಾಗೆ ಚರಣ್ ರಾಜ್ ಸಂಗೀತ ಸಂಯೋಜನೆ ಮಾಡಿದ್ದಾರೆ.  ಮಾಸ್ತಿಸಂಭಾಷಣೆ ಬರೆದಿದ್ದಾರೆ. ಉತ್ತರ ಕರ್ನಾಟಕ ಶೈಲಿಯಲ್ಲಿ ರಗಡ್ ಆಗಿ ಸಂಭಾಷಣೆ ಮೂಡಿ ಬಂದಿದೆ. ಕ್ರಿಸ್ಟೋಫರ್ ಕಿಣಿ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.

 ‘ಸಲಗ’ ಸಿನಿಮಾದಲ್ಲಿ ನಟಿಸಿದ್ದ ಶ್ರೇಷ್ಠ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಅವರಿಗೆ ಜೊತೆಯಾಗಿ ಶ್ರುತಿ ಪಾಟೀಲ್ ನಟಿಸಿದ್ದಾರೆ. ಅಪೂರ್ವ, ಜಹಾಂಗೀರ್, ಯಶ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

—–