‘ ಸೀತಾರಾಮ ಕಲ್ಯಾಣ’ ಟೀಸರ್‌ ಜುಲೈ 31ಕ್ಕೆ ಬಿಡುಗಡೆ

‘ ಸೀತಾರಾಮ ಕಲ್ಯಾಣ’ ಟೀಸರ್‌ ಜುಲೈ 31ಕ್ಕೆ ಬಿಡುಗಡೆ
—————
ಶುಕ್ರವಾರ ಈ ಸಿನಿಮಾದ ಮೊದಲ ಪತ್ರಿಕಾ ಗೋಷ್ಠಿ ಗೆ ಮುಖ್ಯಮಂತ್ರಿ ಕುಮಾರಸ್ವಾಮಿಯವರು ಆಗಮಿಸಿದ್ದರು.

ನಿಖಿಲ್‌ಕುಮಾರ್‌ ಮತ್ತು ರಚಿತಾರಾಮ್‌ ನಟನೆಯ ಸೀತಾರಾಮ ಕಲ್ಯಾಣ ಚಿತ್ರದ ಮೊದಲ ಟೀಸರ್‌ನ್ನು ಜುಲೈ 31ರಂದು ರಾಮನಗರದಲ್ಲಿ ಬಿಡುಗಡೆ ಮಾಡಲು ಚಿತ್ರತಂಡ ಯೋಚಿಸಿದೆ.ಎ ಹರ್ಷ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರಕ್ಕೆ ಈಗಾಗಲೇ ಶೇ 70ರಷ್ಟು ಚಿತ್ರೀಕರಣ ಮಾಡಲಾಗಿದೆ. ಶುಕ್ರವಾರ ಈ ಸಿನಿಮಾದ ಮೊದಲ ಪತ್ರಿಕಾ ಗೋಷ್ಠಿಯಲ್ಲಿ ಈ ವಿಷಯವನ್ನು ಚಿತ್ರತಂಡ ಹೇಳಿತು. ಮೊದಲ ಪತ್ರಿಕಾಗೋಷ್ಠಿಗೆ ನಾಯಕನಟ ನಿಖಿಲ್‌ ಅವರ ತಂದೆ ಮುಖ್ಯಮಂತ್ರಿ ಕುಮಾರಸ್ವಾಮಿಯವರು ಆಗಮಿಸಿದ್ದರು. ಚಿತ್ರದ ಮೇಕಿಂಗ್‌ನ್ನು ನೋಡಿರುವ ಕುಮಾರಸ್ವಾಮಿ ಹರ್ಷ ಅವರ ನಿರ್ದೇಶನದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.ಜುಲೈ 31ರಂದು ರಾಮನಗರದಲ್ಲಿ ನಡೆಯುವ ಕರಗ ಉತ್ಸವದಲ್ಲಿ ಈ ಸಿನಿಮಾದ ಟೀಸರ್‌ನ್ನು ಬಿಡುಗಡೆ ಗೊಳಿಸಲು ಎಲ್ಲ ರೀತಿಯ ಸಿದ್ಧತೆಗಳು ನಡೆದಿದೆ.