‘ಉತ್ತರಕಾಂಡ’ ಶಿವಣ್ಣ ಲುಕ್ ಬಿಡುಗಡೆ

‘ಕರುನಾಡ ಚಕ್ರವರ್ತಿ’ ಡಾ.ಶಿವರಾಜ್ ಕುಮಾರ್  ಅವರ ಹುಟ್ಟುಹಬ್ಬದ ಅಂಗವಾಗಿ  ‘ಉತ್ತರಕಾಂಡ’ ಚಿತ್ರತಂಡ ಶಿವಣ್ಣಅವರ ಲುಕ್ ಬಿಡುಗಡೆ ಮಾಡಿದೆ.

ಶಿವಣ್ಣಅವರ ಫಸ್ಟ್ ಲುಕ್ ಎಲ್ಲೆಡೆ ಸದ್ದು ಮಾಡಿದೆ. ಶಿವಣ್ಣ ಚಿತ್ರದಲ್ಲಿ ರಗಡ್ ಆಗಿ ಕಾಣಿಸಿಕೊಂಡಿದ್ದಾರೆ.

‘ಈ ಸಿನೆಮಾ ಮನುಷ್ಯನ ವಿಲಕ್ಷಣ ಮನಸ್ಸಿನ ಹೋರಾಟ ಬಿಂಬಿಸುತ್ತದೆ. ಸರಿ ತಪ್ಪುಗಳ ಸಿದ್ದಾಂತ, ಅಹಂಕಾರಗಳ ಗುದ್ದಾಟ ಈ ಸಿನೆಮಾ ಒಂದು ಸೆಲೆಬ್ರೇಶನ್. ಉತ್ತರ ಕರ್ನಾಟಕದ ಅಧ್ಬುತ ಬದುಕಿನ ನಡುವೆ ನಡೆಯುವ ಕಥೆ ಹೇಳುತ್ತಿರುವುದು ನನಗೆ ದೊಡ್ಡ ಸವಾಲು ಮತ್ತು ಜವಾಬ್ದಾರಿ’ ಎಂದು ನಿರ್ದೇಶಕ ರೋಹಿತ್ ಪದಕಿ ಹೇಳಿದ್ದಾರೆ.

ವಿಜಯ್ ಕಿರಗಂದೂರು ಅರ್ಪಿಸುತ್ತಿರುವ, ಕೆ.ಆರ್.ಜಿ ಸಂಸ್ಥೆ ನಿರ್ಮಿಸುತ್ತಿರುವ  ‘ಉತ್ತರಕಾಂಡ’ ಚಿತ್ರ  ಸಂಪೂರ್ಣ ಉತ್ತರಕರ್ನಾಟಕದ ಭಾಷೆಯಲ್ಲಿ ಹಾಗೂ ಅಲ್ಲಿಯೇ ಚಿತ್ರೀಕರಣವಾಗಿದೆ.

‘ಉತ್ತರಕಾಂಡ’ದಲ್ಲಿ ಧನಂಜಯ ಮುಖ್ಯಭೂಮಿಕೆಯಲ್ಲಿದ್ದಾರೆ. ವೈವಿಧ್ಯಮಯ ಪಾತ್ರಗಳಲ್ಲಿ ನಾಯಕನಟನಾಗಿ ಮಿಂಚುತ್ತಿರುವ ಧನಂಜಯ ಅವರ ವೃತ್ತಿಯಲ್ಲೇ ಅತಿ ದೊಡ್ಡ ಸಿನೆಮಾ ‘ಉತ್ತರಕಾಂಡ’ ಆಗಿದೆ.

—-