ತೆಲುಗಿನ ಹಿರಿಯ ನಿರ್ಮಾಪಕ ಕೆ.ರಾಘವ ನಿಧನ

ಟಾಲಿವುಡ್‍ನ ಹಿರಿಯ ನಿರ್ಮಾಪಕ ಕೆ.ರಾಘವ (105) ಅನಾರೋಗ್ಯದ ನಿಮಿತ್ತ ಅಪೋಲೋ ಆಸ್ಪತ್ರೆಯಲ್ಲಿ ವಿಧಿವಶರಾಗಿದ್ದಾರೆ. ಪ್ರತಾಪ್ ಆಟ್ರ್ಸ್ ಪ್ರೋಡಕ್ಷನ್ಸ್‍ನಲ್ಲಿ 30 ಕ್ಕೂ ಹೆಚ್ಚು ಚಿತ್ರಗಳನ್ನು ನಿರ್ಮಿಸಿರುವ ಇವರು 28 ತೆಲುಗು ಚಿತ್ರಗಳಿಗೆ ಬಂಡವಾಳವನ್ನೂ ಹೂಡಿದ್ದಾರೆ. ತಾತಾ ಮನವುಡು, ಜಗತ್ ಕಂತ್ರಿಲು, ಜಾದುವು ಸಂಸ್ಕಾರಮ್, ಇಂಟಿಲ್ಲೋ ರಾಮಣ್ಣ ವೀದಿಲೋ ಕೃಷ್ಣನ್ನ, ತರಂಗಿಣಿ, ಸೂರ್ಯ ಚಂದ್ರುಲು, ಯುಗ ಕಂತ್ರುಲು,ನಾರದ ವಿನೋದಂ ಚಿತ್ರಗಳು ಅವರಿಗೆ ಜನಪ್ರಿಯತೆಯನ್ನು ತಂದುಕೊಟ್ಟಿದ್ದವು. ರಾಘವ ಅವರ ನಿಧನಕ್ಕೆ ಟಾಲಿವುಡ್‍ನ ಕಲಾವಿದರು, ತಂತ್ರಜ್ಞರು ಕಂಬನಿ ಮಿಡಿದಿದ್ದಾರೆ.