‘ರೌದ್ರಂ’ ಚಿತ್ರದ ಟೀಸರ್ ಟೀಸರ್ ರಿಲೀಸ್

ಬೆಂಗಳೂರಿನ ಸ್ಟಾರ್ ಹೊಟೇಲ್‍ನಲ್ಲಿ ಮೊನ್ನೆ ನಟ ವಿನೋದ್ ಪ್ರಭಾಕರ್ ಅವರು ರೌದ್ರಂ ಚಿತ್ರದ ಟೀಸರ್ ಅನ್ನು ಬಿಡುಗಡೆ ಮಾಡಿದರು. ಪ್ರೇಮಗಾಮಿ, ಬತ್ತಾಸ್ ಎಂಬ ಚಿತ್ರಗಲನ್ನು ನಿರ್ದೇಶಿಸಿರುವ ಶ್ರೀನಿವಾಸ್ ಜಿ.ತಿಮ್ಮಯ್ಯ ಅವರೇ ರೌದ್ರಂ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದು, ಹಣಕಾಸು ವ್ಯವಹಾರದ ಎ.ಎಸ್. ಗ್ರೂಪ್ ಆಫ್ ಕಂಪೆನೀಸ್‍ನ ಎ.ಎಸ್. ಭಾರದ್ವಾಜ್ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಟೀಸರ್ ಅನ್ನು ಬಿಡುಗಡೆ ಮಾಡಿ ಮಾತನಾಡಿದ ವಿನೋದ್ ಪ್ರಭಾಕರ್ , ನನ್ನ ಗೆಳೆಯ ಧನುಷ್ ಈ ಚಿತ್ರದ ನಾಯಕನಾಗಿರುವುದು ಸಂತಸವಾಗಿದೆ, ಕಲಾವಿದರು ನಿರ್ದೇಶಕರ ವಿದ್ಯಾರ್ಥಿಯಾದಾಗ ಮಾತ್ರ ಉತ್ತಮ ಚಿತ್ರವಾಗುತ್ತದೆ. ಛಾಯಾಗ್ರಾಹಕನೇ ಚಿತ್ರದ ಮೊದಲ ಪ್ರೇಕ್ಷಕ. ತಂತ್ರಜ್ಞರ ಕೆಲಸ ನೋಡಿ ನಮ್ಮ ಪ್ರೇಕ್ಷಕರು ತೀರ್ಪು ಕೊಡುತ್ತಾರೆ. ಈ ಚಿತ್ರವು ಯಶಸ್ಸಾಗಲಿ ಎಂದು ಶುಭ ಕೋರಿದರು.ಹಿರಿಯ ನಿರ್ಮಾಪಕ ಗಂಡುಗಲಿ ಮಂಜು ಮಾತನಾಡಿ, ಸ್ಯಾಂಡಲ್‍ವುಡ್‍ನಲ್ಲೂ ಮೀಟೂ ಗಾಳಿ ಬೀಸುತ್ತಿದೆ. ಬೇರೆ ಭಾಷೆಯಲ್ಲಿ ಏನಾಗಿದೆ ಅಂತ ಹೇಳೋಲ್ಲ, ಚಂದನವನದಿಂದ ಮೀ ಟೂ ಎಂಬ ಅನಿಷ್ಟವನ್ನು ಹೋಗಲಾಡಿಸಲು ಎಲ್ಲರೂ ಒಂದಾಗಬೇಕು. ಹೊಸಬರಿಂದ ಕೂಡಿದ ಈ ತಂಡಕ್ಕೆ ಸೂಕ್ತ ಸಲಹೆ, ಮಾರ್ಗದರ್ಶನ ನೀಡಲು ನಾನು ಸದಾ ಸಿದ್ಧ ಎಂದರು.

ನಾಯಕ ಧನುಷ್ ಮಾತನಾಡಿ, ನಿರ್ದೇಶಕ ಶ್ರೀನಿವಾಸ್ ಅವರು ನನಗಿಲ್ಲಿ ಉತ್ತಮ ಪಾತ್ರ ನೀಡಿದ್ದಾರೆ. ಕಥೆಯ ಆಳಕ್ಕೆ ಹೋಗಿ ನೋಡಿದರೆ ಇದು ಸಾಹಸ ಪ್ರಧಾನ ಚಿತ್ರ ಅಂತ ಅನ್ನಿಸಿದರೂ ಇದೊಂದು ಸ್ಪೆಷಲ್ ಫಿಲಂ.ಬರುವ ಡಿಸೆಂಬರ್‍ನಲ್ಲಿ ಚಿತ್ರದ ನಡೆಯಲಿದೆ. ಚಿತ್ರೀಕರಣಕ್ಕೆ ಹೋಗಲು ಎಲ್ಲಾ ಸಿದ್ದತೆಗಳನ್ನು ಮಾಡಿಕೊಳ್ಳಲಾಗಿದೆ ಎಂದು ಹೇಳಿಕೊಂಡರು.

ಇದರಲ್ಲಿ ತಾಯಿ-ಮಗನ ಬಾಂಧವ್ಯದ ದೃಶ್ಯಗಳಿದ್ದು, ಚಿತ್ರಕ್ಕೆ ರೆಡ್‍ಅಲರ್ಟ್ ಎಂಬ ಅಡಿಬರಹ ಇಟ್ಟಿದ್ದು ಇದಕ್ಕೆ ಹಲವು ಅರ್ಥಗಳು ಬರುತ್ತವೆ. ತಾಯಿ, ಸಂಗಾತಿ ಬಂದಾಗ ಸನ್ನಿವೇಶವು ಯಾವ ರೀತಿ ತಿರುವು ಪಡೆದುಕೊಳ್ಳುತ್ತದೆ. ಭಾವನೆಗಳ ಸುತ್ತ ಹೋಗುವುದೇ ರೌದ್ರಂ ಸಿನಿಮಾದ ಒಂದು ಎಳೆಯಾಗಿದೆ. ಬೆಂಗಳೂರು, ಕಲ್ಕತ್ತಾ, ಗೋವಾ, ಮೈಸೂರು ಮುಂತಾದ ಲೊಕೇಶನ್‍ಗಳಲ್ಲಿ ಈ ಚಿತ್ರದ ಚಿತ್ರೀಕರಣ ನಡೆಯಲಿದೆ. ಸ್ಯಾಮ್.ಸಿ.ಎಸ್. ಸಂಗೀತ , ಮಾಸ್ತಿಮಂಜು ಸಂಭಾಷಣೆ, ನವೀನ್‍ಕುಮಾರ್ ಛಾಯಗ್ರಹಣ , ರವಿವರ್ಮ ಸಾಹಸ ನಿರ್ದೇಶನವೂ ಈ ಚಿತ್ರಕ್ಕಿದೆ. ಸದ್ಯದಲ್ಲೆ ಚಿತ್ರದ ನಾಯಕಿಯ ಆಯ್ಕೆ ಮಾಡಲಿದ್ದು, ಉಳಿದಂತೆ ಮಹೇಶ್ ಮಂಜ್ರೆಕರ್, ಜಯಸುಧ, ರವಿಶಂಕರ್ ಮುಂತಾದವರು ಪ್ರಮುಖ ತಾರಬಳಗದಲ್ಲಿದ್ದಾರೆ.