ಸಿಂಪಲ್‌ ಸ್ಟಾರ್‌ ರಕ್ಷಿತ್‌ ಶೆಟ್ಟಿ ಅವರ ಬಹುನಿರೀಕ್ಷಿತ ಸಿನಿಮಾ ರಿಚರ್ಡ್‌ ಆಂಟೋನಿ ಶೀಘ್ರದಲ್ಲೇ ಸೆಟ್ಟೇರಲಿದೆ.
ಸಪ್ತ ಸಾಗರದಾಚೆ ಎಲ್ಲೋ ಬಳಿಕ ರಕ್ಷಿತ್‌ ಶೆಟ್ಟಿ ರಿಚರ್ಡ್‌ ಆಂಟೋನಿ ಸಿನಿಮಾ ಟೇಕಾಫ್‌ ಮಾಡಬೇಕಿತ್ತು. ಹೊಂಬಾಳೆ ಬ್ಯಾನರ್‌ನಡಿ ಈ ಚಿತ್ರ ಮೂಡಿ ಬರಬೇಕಿತ್ತು. ಸಣ್ಣ ಟೀಸರ್‌ ಬಿಟ್ಟು ಥ್ರಿಲ್ ಹೆಚ್ಚಿಸಿದ್ದ ರಕ್ಷಿತ್‌ ಶೆಟ್ಟಿ ಈಗ ತಮ್ಮ ಅಭಿಮಾನಿಗಳಿಗೆ ಗುಡ್‌ ನ್ಯೂಸ್‌ ಕೊಡೋದಿಕ್ಕೆ ರೆಡಿಯಾಗಿದ್ದಾರೆ.
‘ರಿಚರ್ಡ್‌ ಆಂಟೋನಿ’ ಮುಂದಿನ ವರ್ಷ ಬಿಡುಗಡೆಯಾಗುವುದು ಖಚಿತ ಅಂತಾ ರಕ್ಷಿತ್‌ ಶೆಟ್ಟಿ ಹೇಳಿದ್ದಾರೆ. ರಿಚರ್ಡ್‌ ಆಂಟೋನಿ ಸಿನಿಮಾ ಉಳಿದವರು ಕಂಡಂತೆ ಸಿನಿಮಾದ ಪ್ರೀಕ್ವೆಲ್. ಉಡುಪಿಯಲ್ಲಿಯೇ ಇಡೀ ಸಿನಿಮಾದ ಚಿತ್ರೀಕರಣ ನಡೆಯುವ ಸಾಧ್ಯತೆ ಇದೆ. ರಕ್ಷಿತ್‌ ಸದ್ಯ ಉಡುಪಿಯಲ್ಲಿ ಬೀಡು ಬಿಟ್ಟಿದ್ದಾರೆ. ಸದ್ಯದಲ್ಲೇ 20 ಜನರ ತಂಡ ಉಡುಪಿಗೆ ಶಿಫ್ಟ್‌ ಆಗಲಿದೆ.
ರಿಚರ್ಡ್‌ ಆಂಟೋನಿ ಸಿನಿಮಾದ ಸ್ಕ್ರೀಪ್ಟ್‌ ಕೆಲಸ ಮುಗಿದಿದೆ. ಇದರ ಜೊತೆಗೆ ಪುಣ್ಯಕೋಟಿ 1 ಮತ್ತು ಪುಣ್ಯಕೋಟಿ2, ಮಿಡ್‌ ವೇ ಟು ಮೋಕ್ಷ ಸಿನಿಮಾಗಳ ಢ್ರಾಪ್ಟ್‌ ಸ್ಕ್ರೀಪ್ಟ್‌ ರೆಡಿಯಾಗಿದೆ. ಬ್ಯಾಕ್‌ ಟು ಬ್ಯಾಕ್‌ ಸಿನಿಮಾಗಳನ್ನು ಮಾಡುವ ಯೋಚನೆಯನ್ನು ರಕ್ಷಿತ್‌ ಶೆಟ್ಟಿ ಹಾಕಿಕೊಂಡಿದ್ದಾರೆ.
—-
Be the first to comment